Den Kouts. Fota AP
Abrany prezident ZŠA Donald Tramp vyłučyŭ na pasadu kiraŭnika nacyjanalnaj vyviedki ZŠA eks-sienatara ad štata Indyjana Denieła Reja (Dena) Kouts. Pra heta paviedamiŭ u subotu, 7 studzienia, štab Trampa.
Na pasadzie dyrektara nacyjanalnaj vyviedki paśla jaho zaćviardžeńnia Sienatam 73-hadovy Kouts źmienić Džejmsa Kłepiera. U jaho zadaču ŭvachodzić kaardynacyja dziejnaści 16-ci śpiecsłužbaŭ ZŠA, jakija zajmajucca zboram infarmacyi i viadzieńniem dziejnaści vyviedki. Dyrektar nie moža napramuju ŭmiešvacca ŭ pracu śpiecsłužbaŭ, jaho zadačaj źjaŭlajecca abahulnieńnie infarmacyi, što pastupaje.
Kouts pravioŭ ahułam 15 hadoŭ na pasadzie sienatara, jon pradstaŭlaŭ Indyjanu ad Respublikanskaj partyi ŭ 1989-1999 i 2011-2017 hadach. U apošnija hady jon uvachodziŭ u sienacki kamitet pa vyviedcy. U 2001-2005 hadach Kouts zajmaŭ pasadu ambasadara ZŠA ŭ Hiermanii.
Ahienctva nazyvajuć jaho «ŭmieranym» ci «tradycyjnym» kansiervataram. Kouts byŭ prychilnikam uviadzieńnia sankcyj u dačynieńni da Rasii ŭ 2014 hodzie. U sakaviku taho ž hoda jon byŭ uniesieny ŭ śpis asobaŭ, jakim zabaronieny ŭjezd u RF.
