Alaksandr Łukašenka prysudziŭ premii «Za duchoŭnaje adradžeńnie» i śpiecyjalnyja premii dziejačam kultury i mastactva 2016 hoda. Adpaviednyja ŭkazy padpisaŭ kiraŭnik dziaržavy, paviedamili BIEŁTA ŭ pres-słužbie biełaruskaha lidara.
Pa vynikach 2016 hoda prysudžany piać premij Prezidenta Biełarusi «Za duchoŭnaje adradžeńnie»
. Imi adznačany aŭtarskija i pracoŭnyja kalektyvy za aktyŭnuju dziejnaść u humanitarnaj śfiery.
Siarod łaŭreataŭ hetaj vysokaj uznaharody nastajaciel Śviata-Jelisiejeŭskaha Łaŭryšaŭskaha mužčynskaha manastyra Navahrudskaj jeparchii ihumien Jaŭsievij (Kanstancin Ciuchłoŭ), jaki ŭnios važki ŭkład u duchoŭna-maralnaje i patryjatyčnaje vychavańnie moładzi, arhanizacyju dziejnaści mužčynskaha manastyra i akazańnie dapamohi ludziam u ciažkaj žyćciovaj situacyi, a taksama asobam, jakija cierpiać ad narkamanii i ałkahalizmu.
Łaŭreatam premii staŭ kalektyŭ dziaržaŭnaj ustanovy «Respublikanski reabilitacyjny centr dla dziaciej-invalidaŭ», jaki pravodzić kompleksnuju rabotu pa reabilitacyi dziaciej-invalidaŭ va ŭzroście ad 3 da 18 hadoŭ, stvareńni biezbarjernaha asiarodździa, što dapamahaje im pieraadoleć peŭnyja stereatypy myśleńnia, usialić nadzieju i vieru va ŭłasnyja siły.
Premijaj adznačany kalektyŭ ustanovy adukacyi «Biełaruski dziaržaŭny piedahahičny ŭniviersitet imia Maksima Tanka», jaki aktyŭna raźvivaje i papularyzuje vałanciorski ruch siarod studenckaj moładzi, štohod pravodzić bolš za 800 dabračynnych akcyj, śviatočnych prahram i teatralizavanych pakazaŭ dla vychavancaŭ dziciačych damoŭ, škoł-internataŭ, sacyjalnych prytułkaŭ, reabilitacyjnych centraŭ.
Uznaharody ŭdastojena Fiederacyja prafsajuzaŭ Biełarusi, jakaja pravodzić vialikuju kolkaść mierapryjemstvaŭ, nakiravanych na patryjatyčnaje vychavańnie hramadzian, u tym liku dziaciej, navučenskaj i rabočaj moładzi, ekanamična aktyŭnaha nasielnictva, vieteranaŭ vajny i pracy. Adnym z takich mierapryjemstvaŭ stała maštabnaja rekanstrukcyja Kurhana Słavy.
Siarod łaŭreataŭ premii taksama zahadčyk kafiedry architektury žyłych i hramadskich budynkaŭ Biełaruskaha nacyjanalnaha techničnaha ŭniviersiteta Siarhiej Sierhačoŭ, jaki stvaryŭ adzinuju takuju knihu «Narodnoje zodčiestvo Biełarusi. Istorija i sovriemiennosť», rabota nad jakoj prachodziła adnačasova ź jaho praktyčnaj dziejnaściu pa zachavańni abjektaŭ narodnaha dojlidstva, majučych histaryčnuju i mastackuju kaštoŭnaść.
Pa vynikach 2016 hoda prysudžany 10 śpiecyjalnych premij Prezidenta Biełarusi dziejačam kultury i mastactva
. Imi adznačany dziejačy kultury i mastactva, navuki, piedahohi, aŭtarskija kalektyvy, ustanovy kultury za značnyja dasiahnieńni ŭ halinie vyjaŭlenčaha i teatralnaha mastactva, amatarskaj tvorčaści, muziejnaj spravy, vychavańnia moładzi.
Premija prysudžana aŭtarskamu kalektyvu redakcyi haziety «Hołas Radzimy» ŭ składzie zahadčyka adździeła Ivana Ždanoviča i śpiecyjalnaha karespandenta Kaciaryny Miadźviedskaj za plonnaje supracoŭnictva z suajčyńnikami za miažoj i prafiesijnaje aśviatleńnie pytańniaŭ mižkulturnaha dyjałohu ŭ Biełarusi.
Uznaharody ŭdastojeny aŭtarski kalektyŭ respublikanskaha ŭnitarnaha pradpryjemstva «Biełaruskaje telehrafnaje ahienctva» ŭ składzie fotaredaktara redakcyi vizualnaj infarmacyi Iryny Bufietavaj, hienieralnaha dyrektara Dźmitryja Žuka, načalnika adździeła padtrymki i raźvićcia internet-resursaŭ Ivana Siničkina za stvareńnie i realizacyju infarmacyjna-publicystyčnaha prajekta «Suvierennaja Biełaruś: epocha dasiahnieńniaŭ», jaki praz archiŭnyja i sučasnyja raboty fotateki BIEŁTA ilustruje źmianieńni ŭ Biełarusi za apošnija 20 hadoŭ, stvaraje kantrasnaje ŭražańnie ab źmienach, jakija adbylisia ŭ krainie.
Premii ŭdastojeny aŭtarski kalektyŭ Biełteleradyjokampanii ŭ składzie namieśnika hałoŭnaha dyrektara hałoŭnaj dyrekcyi telekanała «Biełaruś 24» Jaŭhiena Baranava, hałoŭnaha dyrektara hałoŭnaj dyrekcyi telekanała «Biełaruś 1» Aleny Ładućka, namieśnika hałoŭnaha dyrektara hałoŭnaj dyrekcyi telekanała «Biełaruś 1» Volhi Sałamacha za stvareńnie na vysokim prafiesijnym uzroŭni sieryi imidžavych videarolikaŭ «My zrabili heta razam», jakija stali vizualnaj demanstracyjaj dasiahnieńniaŭ krainy ŭ roznych śfierach i nahladna prademanstravali pośpiechi sučasnaj Biełarusi i stanoŭčuju dynamiku jaje raźvićcia za pieryjad niezaležnaści.
U liku łaŭreataŭ śpiecyjalnaj premii - mastak, člen hramadskaha abjadnańnia «Biełaruski sajuz mastakoŭ» Kanstancin Vaščanka. Jon uznaharodžany za mastackaje afarmleńnie mnahatomnaha faksimilnaha vydańnia «Knižnaja spadčyna Francyska Skaryny», jakoje vyznačaje vysoki prafiesijanalizm vykanańnia, dakładnaja pieradača vobraza epochi Francyska Skaryny i adpaviednaść histaryčnaj značnaści pieršadrukara.
Śpiecyjalnaja premija prysudžana kalektyvu dziaržaŭnaj historyka-kulturnaj ustanovy «Muziej-siadziba M.K.Ahinskaha» za stvareńnie i realizacyju prajekta «Viartańnie Paŭnočnych Afin», jaki nakiravany na papularyzacyju spadčyny kampazitara, u tym liku praz adradžeńnie tradycyi praviadzieńnia balaŭ u čas śviatkavańnia Rastva Chrystovaha i dnia naradžeńnia Michała Kleafasa Ahinskaha.
Kalektyŭ dziaržaŭnaj ustanovy adukacyi «Dziciačaja muzyčnaja škoła mastactvaŭ numar 10 imia Ja.A.Hlebava h.Minska» ŭdastojeny premii za značny ŭkład u raźvićcio i zachavańnie nacyjanalnaj kultury i muzyčnaha mastactva praz praviadzieńnie kancertaŭ-sustreč ź biełaruskimi kampazitarami, sieryi kancertaŭ «Muzyka biełaruskich kampazitaraŭ u sercach našych dziaciej», Mižnarodnaha dziciačaha konkursu imia Jaŭhiena Hlebava.
Uznaharodaj adznačany kalektyŭ Nacyjanalnaha akademičnaha teatra imia Janki Kupały za značny ŭkład u raźvićcio biełaruskaha teatralnaha mastactva, pastanoŭku śpiektaklaŭ pa tvorach biełaruskaj dramaturhii, zachavańnie i prapahandu tvorčaści jak kłasikaŭ biełaruskaj litaratury, tak i sučasnych dramaturhaŭ.
Kalektyvu dziaržaŭnaj ustanovy «Pałac kultury h.Maładziečna» śpiecyjalnaja premija prysudžana za značny ŭkład u raźvićcio samadziejnaj mastackaj tvorčaści, u tym liku arhanizacyju dziejnaści 35 amatarskich kalektyvaŭ, ź jakich 12 majuć zvańni «Zasłužany amatarski kalektyŭ Respubliki Biełaruś», «narodny» i «ŭzorny», praviadzieńnie bolš za 100 mierapryjemstvaŭ u ramkach respublikanskaj akcyi «Kulturnaja stalica hoda».
Premii ŭdastojeny kalektyŭ ustanovy kultury «Zasłužany kalektyŭ Respubliki Biełaruś «Vidoviščna-kulturny kompleks «Homielski dziaržaŭny cyrk» za značny ŭkład u raźvićcio i papularyzacyju cyrkavoha mastactva, umacavańnie mižnarodnaha kulturnaha supracoŭnictva, padrychtoŭku vysokaprafiesijnych prahram i praviadzieńnie dabračynnych pakazaŭ dla dziaciej z rajonaŭ, jakija paciarpieli ad avaryi na ČAES.
Śpiecyjalnaja premija taksama prysudžana kiraŭniku zasłužanaha amatarskaha kalektyvu Respubliki Biełaruś studyi dekaratyŭna-prykładnoha mastactva «Biełaruski suvienir» dziaržaŭnaj ustanovy dadatkovaj adukacyi «Centr tvorčaści dziaciej i moładzi Salihorskaha rajona» Raisie Ramanieni za značny ŭkład u adradžeńnie i zachavańnie tradycyj narodnaha mastactva sałomaplacieńnia, dałučeńnie moładzi da nacyjanalnaj kultury, aktyŭny ŭdzieł u vystaŭkach dekaratyŭna-prykładnoha mastactva jak u Biełarusi, tak i za miažoj.
Pryniaćcie ŭkazaŭ źjaŭlajecca śviedčańniem pastajannaj uvahi dziaržavy da pytańniaŭ umacavańnia ŭ hramadstvie duchoŭnych kaštoŭnaściej i mastacka-maralnych tradycyj, idej čałaviekalubstva, dabračynnaści i miłasernaści, raźvićcia biełaruskaj kultury i mastactva.
