Centralny aparat Śledčaha kamiteta rasśleduje kryminalnuju spravu ŭ dačynieńni da dvuch žycharoŭ Połacka i Navapołacka. Ich padazrajuć u zabojstvie niepaŭnaletniaj dziaŭčyny ŭ 2012 hodzie, a taksama zhvałtavańniach i kradziažach. Padrabiaznaści paviedamlaje pres-słužba SK.
Udvaich ci ŭ adzinočku mužčyny znajomilisia ź dziaŭčatami praź internet abo na vulicach horada. A paśla prapanoŭvali praciahnuć znajomstva i častavali napojami (śpirtnymi i biezałkaholnymi), kudy ŭžo było padmiašana snatvornaje.
«Paśla taho, jak achviary prychodzili ŭ nieprytomny stan, mužčyny ździajśniali ź imi dziejańni seksualnaha charaktaru i (abo) vykradali materyjalnyja kaštoŭnaści i inšuju majomaść», - paviedamlaje Hałoŭnaje śledčaje ŭpraŭleńnie Centralnaha aparata SK.
Akramia taho, fihurantaŭ padazrajuć u zabojstvie niepaŭnaletniaj dziaŭčyny ŭ 2012 hodzie.
Viadoma, što zatrymanyja — mužčyny siarednich hadoŭ. Ciapier jany źmieščany pad vartu, ź imi pracujuć śledčyja. Jość padstavy mierkavać, što padazravanyja datyčnyja da cełaj sieryi złačynstvaŭ z takimi abstavinami.
Ustanoŭleny epizody na terytoryi Viciebskaj vobłaści (u pryvatnaści, Navapołacku i Połacku), a taksama Minskaj vobłaści ŭ pieryjad z 2008 pa 2017 hod. Ale paciarpiełych moža być bolš.
Śledstva prosić hramadzian, jakija vałodajuć jakoj-niebudź infarmacyjaj ab padobnych złačynstvach, paviedamić pra heta pa telefonach: 8 (017) 389-50-02, 389-52-95, 8 (0212) 60-86-82, 8 (029) 699-01-49, 8 (029) 711-35-82.
