U Biełarusi sproščany hihijeničnyja patrabavańni da ŭładkavańnia, abstalavańnia i ŭtrymańnia cyrulniaŭ, łaźniaŭ i saun, paviedamili ŭ Respublikanskim centry hihijeny, epidemijałohii i hramadskaha zdaroŭja, kamientujučy pastanovu Ministerstva achovy zdaroŭja №139 ad 28 śniežnia 2016 hoda.
U pryvatnaści, ciapier vilhotnaja ŭborka ŭsich pamiaškańniaŭ cyrulniaŭ na praciahu pracoŭnaha dnia pavinna pravodzicca nie abaviazkova z užyvańniem myjnych srodkaŭ. Adpaviedna vyklučajecca punkt pra nieabchodnaść mieć u cyrulniach zapas myjnych i dezinfikujučych srodkaŭ. Kali raniej myćcio brudnaj bializny i śpiecyjalnaha adzieńnia było nieabchodna pravodzić centralizavana ŭ pralniach, to ciapier heta mahčyma ŭ padsobnych pamiaškańniach cyrulniaŭ pry stvareńni tam umoŭ dla suški.
U raniejšaj pastanovie adznačałasia, što rabotnikam cyrulni nieabchodna być u čystym pracoŭnym adzieńni, adzinym dla cyrulni. U novaj pastanovie ŭdakładnieńnie adnosna adzinaha adzieńnia vyklučanaje.
Taksama vyklučanyja zališnija patrabavańni da łaźniaŭ i saun. U pryvatnaści, ciapier nie treba kłapacicca ab 10-dzionnym zapasie srodkaŭ dezinfiekcyi. «Deficytu ŭ takich srodkach na rynku niama. Tamu hałoŭnaje, kab jany byli ŭ momant hienieralnaj uborki pamiaškańniaŭ i vykarystoŭvalisia ŭ adpaviednaści ź instrukcyjami pa ŭžyvańni», — adznačyli ŭ centry.
U cełym źmieny nakiravanyja na pryviadzieńnie zakanadaŭstva ŭ adpaviednaść z sučasnymi realijami, a taksama pamianšeńnie pieraškod dla biznes-supolnaści. Novaja pastanova nie zakranaje sanepidrežym, tamu nie adabjecca na hihijeničnym utrymańni cyrulniaŭ, łaźniaŭ i saun, a adpaviedna — hihijeničnaj biaśpiecy hramadzian pry ich naviedvańni, padkreślili ŭ centry.
