U čaćvier, 12 studzienia ŭ Miensk prylataŭ staršynia praŭleńnia rasijskaha Śbierbanka Hierman Href, jon sustrakaŭsia z Alaksandram Łukašenkam. U čas sustrečy razmova išła ab udziele Śbierbanka ŭ dafinansavańni składanych prajektaŭ u Biełarusi. Adzin z takich prajektaŭ šmatpakutny kompleks «Nie-Kiempinski», daŭhabud kala cyrka.
Stoadsotkavuju dolu ŭ «Elit Estejt» atrymlivaje kampanija «Śbierbank Kapitał» — heta dačka Śbierbanka Rasii, jakaja zajmajecca inviestycyjami ŭ budaŭnictva, - raspaviała kp.by krynica, znajomaja z padrabiaznaściami ździełki. — Suma ździełki simvaličnaja — 1,99 biełaruskaha rubla. Taksama «Trajpł» śpisvaje całkam pradastaŭlenyja «Elit Estejt» pazyki.
Cikavaść Śbierbanka Rasii da hetaha kompleksu nievypadkovaja. Reč u tym, što biełaruskaja dačka — BPS-Śbierbank — vydzialała kredyt na budaŭnictva. Budoŭla zamaroziłasia, i kredyt staŭ prablemnym. Atrymaŭšy kompleks va ŭłasnaść, situacyju ŭdasca vyrašyć.
Pa niekatorych dadzienych, kab skončyć budoŭlu, spatrebicca jašče kala 80 miljonaŭ dalaraŭ. Jašče 20 pryjdziecca ŭkłaści ŭ abstalavańnie budučaha kompleksu. Mabyć, ab hetych sta miljonach i kazaŭ Hierman Href paśla sustrečy z Łukašenkam.
