Staršynia Minharvykankama Andrej Šorac zapatrabavaŭ zabiaśpiečyć uborku śniehu ŭ Minsku na praciahu najbližejšych dvuch sutak. Adpaviednaje rasparadžeńnie jon addaŭ siońnia padčas apieratyŭnaj narady ŭ meryi.
Fota Jaŭhienija Jerčaka
Andrej Šorac raskrytykavaŭ administracyi rajonaŭ stalicy, a taksama adpaviednyja słužby za nienaležnuju ŭvahu da raboty pa rasčystcy horada ad śniehu. «Nam dadziena dvoje sutak na ŭborku śniehu. Mahčymaściaŭ i resursaŭ dla hetaha va ŭsich zacikaŭlenych słužbaŭ dastatkova. Treba prosta prymusić ludziej pracavać i nie bajacca pryciahvać da adkaznaści pry nieabchodnaści. Chaatyčnaha nahruvaščvańnia śniehu ŭ horadzie być nie pavinna», — zapatrabavaŭ staršynia Minharvykankama.
U subotu, 14 studzienia, u Minsku prajšoŭ mocny śniehapad. Za sutki ŭ stalicy byŭ adznačany pryrost śniežnaha pokryva na 10 sm.
