Alaksandr Łukašenka praviadzie siońnia aficyjnyja pieramovy z prezidentam Sudana Amaram Chasanam Achmiedam al-Bašyram, paviedamlaje BIEŁTA.
Kiraŭnik biełaruskaj dziaržavy i členy aficyjnaj delehacyi prybyli ŭ Chartum napiaredadni. Na pieramovach lidaraŭ dźviuch krain płanujecca abmierkavać pierśpiektyvy i asnoŭnyja napramki raźvićcia biełaruska-sudanskich adnosin, vyznačyć kankretnyja kroki pa ich pašyreńni. Asablivaja ŭvaha budzie nadadziena pytańniam ekanamičnaha supracoŭnictva.
Płanujucca taksama sustrečy kiraŭnika biełaruskaj dziaržavy ź vice-prezidentam Sudana Chasabu Abdelrachmanom i staršynioj Nacyjanalnaj asamblei Ibrahimam Amieram.
U stalicy Sudana 17 studzienia taksama projdzie biełaruska-sudanski dziełavy forum. Zhodna ź jaho prahramaj, udzielnikaŭ mierapryjemstva čakaje prezientacyja inviestycyjnych mahčymaściaŭ Sudana, pierśpiektyŭ pramkaapieracyi z kampanijami hetaj krainy. Razmova pojdzie i ab supracoŭnictvie ŭ naftavaj śfiery Sudana, ahrarnym siektary. Akramia taho, buduć razhledžany mahčymaści pracy ŭ Biełarusi dla sudanskich kampanij.
