Skaračeńnie pastavak rasijskaj nafty ŭ Biełaruś pavinna być zamieščana alternatyŭnymi varyjantami. Ab hetym zajaviŭ Alaksandr Łukašenka siońnia, prymajučy z dakładam vice-premjera Uładzimira Siamaški.
«My damaŭlalisia, što ŭ bližejšy čas vy mnie paviedamicie pra situacyju ŭ naftahazavym kompleksie krainy, asabliva ŭ suviazi z pavodzinami Rasii. Pa našych damoŭlenaściach i pahadnieńniach, raniej zaklučanych, jakaja ŭ nas abstanoŭka? My ničoha nie ŭtojvajem ad ludziej. Chavać, ja miarkuju, nie treba. Katastrofy niama, ale skaračeńnie pastavak nafty ad Rasijskaj Fiederacyi pavinna być zamieščana alternatyŭnymi varyjantami», — zajaviŭ kiraŭnik dziaržavy.
Jon adznačyŭ, što adpaviednyja pytańni abmiarkoŭvalisia jašče ŭ kancy minułaha hoda. «I my hetyja alternatyŭnyja varyjanty nie prosta prapracoŭvali. My niekatoryja vyprabavali, vyprabavali ŭžo na praktycy, dastaŭlajučy naftu z Čornaha i Mižziemnaha moraŭ na našy naftapierapracoŭčyja zavody, kab na praktycy pahladzieć, jak heta budzie vyhladać ekanamična», - skazaŭ kiraŭnik krainy.
«Tamu ja chacieŭ by pačuć, jak tut iduć spravy. Jak prasoŭvajecca pieramoŭny praces siońnia z Rasijskaj Fiederacyjaj i na pierśpiektyvu, kab vyznačycca, jak nam dziejničać dalej. Nu i pa naftazdabyčy ŭ Biełarusi», - dadaŭ Łukašenka.
