Pa mienšaj miery 21 čałaviek zahinuŭ, bolš za 60 atrymali ranieńni pry vybuchu na paŭnočnym zachadzie Pakistana kala miažy z Afhanistanam, paviedamlajuć infarmahienctvy. Raniej paviedamlałasia pra 18 zahinułych.
Pavodle danych pravaachoŭnych orhanaŭ, vybuch prahrymieŭ u 08.50 na rynku horada Paračynar u plemiannoj vobłaści Kuram. Pa viersii śledstva, samarobnaje vybuchovaje prystasavańnie vialikaj mahutnaści było schavanaje ŭ adnu sa skrynak z harodninaj, albo ataku ździejśniŭ teraryst-śmiarotnik.
Z 60 paciarpiełych kala dziasiatka čałaviek — u krytyčnym stanie.
«Da hetaha času na rynku sabralisia sotni handlaroŭ i pakupnikoŭ, zhubicca siarod ich było nieskładana, adnavić karcinu taho, što adbyłosia, budzie niaprosta», — adznačyli ŭ palicyi.
Pakul ni adna z terarystyčnych hrupovak nie ŭziała na siabie adkaznaść za vybuch. Rajon zdareńnia ačepleny, praciahvajucca apieratyŭna-vyšukovyja mierapryjemstvy.
