Pra heta raspavioŭ adzin z kiroŭcaŭ, jaki ŭžo bolš za 6 hadoŭ jeździć pa darohach Zachodniaj Jeŭropy.
Pavodle jaho słovaŭ, incydent adbyŭsia 18 studzienia.
Biełarusy na troch hružanych furach viartalisia ŭ Biełaruś pa šašy S8 Varšava — Biełastok. Kala Zambruva złamałasia pieršaja mašyna, paviedamlaje AutoGrodno.by.
Ilustracyjnaje fota. Obozrevatel.com
Usie try spynilisia dla ramontu i zaniali pałovu pałasy na darozie z adnoj pałasoj ruchu ŭ kožny bok, adnak lehkavyja aŭtamabili mahli biez prablem raźminucca. Pałosy padzialała dvajnaja sucelnaja linija raźmietki.
Paśla pačatku ramontu padjechała palicyja. Jany zabrali dakumienty i dazvolili adramantavać mašynu za 10 chvilin, inačaj — štraf.
Jak kažuć kiroŭcy, praz 10 chvilin hruzavik zavioŭsia, ale palicyja dakumienty nie viarnuła.
Supracoŭnik zajaviŭ, što aŭtamabil ramantavaŭsia zanadta doŭha i što jon užo vyklikaŭ evakuatar. Na ŭsich kiroŭcaŭ nadzieli kajdanki.
U palicyi na biełarusaŭ skłali pratakoły i rastłumačyli, što jany spynilisia na dvajnoj sucelnaj linii raźmietki, čaho rabić nielha.
Kiroŭcaŭ abšukali, zabrali telefony i pasadzili ŭ asobnyja kamiery z matracami i pledami, karmili buterbrodami, pić jany mahli tolki vadu z-pad krana, kali chadzili ŭ tualet. U kamierach hrodziency praviali paŭtara dni.
Sud adbyŭsia 20 studzienia. Biełarusam prysudzili štrafaŭ na 9990 złotych, heta 2500 dalaraŭ. Jaho apłaciŭ pradstaŭnik transpartnaj firmy.
