Hałoŭnaje ŭpraŭleńnie pa rasśledavańni złačynstvaŭ u śfiery arhanizavanaj złačynnaści i karupcyi zavieršana rasśledavańnie kryminalnaj spravy ab pieradačy hrašovych srodkaŭ hulcam kamand vyšejšaj i pieršaj lih čempijanatu Biełarusi pa futbole za zabieśpiačeńnie nieabchodnaha vyniku ŭ šerahu matčaŭ, paviedamlaje pres-słužba Śledčaha kamiteta.
Pa dadzienych śledstva, hramadzianie Ukrainy i Rasii pieradavali, u tym liku praz pasiarednikaŭ, hrošy futbalistam kamand čempijanatu Biełarusi, jakija pavinny byli paŭpłyvać na vynik. U dalejšym stavilisia bujnyja sumy ŭ zamiežnych bukmiekierskich kantorach na vynik matču z metaj atrymańnia dachodu.
U chodzie rasśledavańnia pry ciesnym uzajemadziejańni z hałoŭnym upraŭleńniem pa baraćbie z arhanizavanaj złačynnaściu i karupcyjaj MUS i Asacyjacyja «Biełaruskaja fiederacyja futboła» byŭ ustalavany jašče adzin fakt pradastaŭleńnia i atrymańnia ŭznaharody za akazańnie ŭpłyvu na vynik matču.
Akramia zhadanych u papiarednich paviedamleńniach matčaŭ, u materyjałach spravy fihuruje taksama pajadynak Kubka Biełarusi z udziełam FK «Hranit».
U jakaści abvinavačanych pa kryminalnaj spravie prachodziać 20 čałaviek (u tym liku były futbalist kłuba «Hranit»), u dačynieńni da piaci ź ich vytvorčaść pa kryminalnaj spravie spyniena na padstavie p.3 č.1 art.30 Kryminalna-pracesualnaha kodeksa Respubliki Biełaruś (u suviazi ź dziejnym raskajańniem).
Usie abvinavačanyja dali pryznalnyja pakazańni i pakryli dziaržavie niezakonna atrymany dachod.
Akramia taho, śledstvam rychtujecca pradstaŭleńnie ŭ adras staršyni Asacyjacyi «Biełaruskaja fiederacyja futboła» ab likvidacyi pryčyn i ŭmoŭ, jakija sadziejničali ŭčynieńniu złačynstvaŭ.
U ciapierašni čas fihuranty znajomiacca z materyjałami kryminalnaj spravy. Paśla zaviaršeńnia hetaj pracedury va ŭstanoŭlenyja zakonam terminy (nie bolš za miesiac) płanujecca pieradača kryminalnaj spravy pa abvinavačvańni 15 čałaviek prakuroru dla nakiravańnia ŭ sud.
