Źnižanyja taryfy na pieravozku pasažyraŭ u Rasiju i Ukrainu buduć dziejničać da kanca lutaha, paviedamili ŭ pres-centry Biełaruskaj čyhunki.
«Z 9 studzienia ŭ siarednim na 15% źnižany košt prajezdu pasažyraŭ u Rasiju, a z 15 studzienia — na 10% va Ukrainu. Źnižanyja taryfy buduć dziejničać da kanca lutaha. Dziakujučy dziejnym kalandarnym pieryjadam (siezonnaj karekcyi mižnarodnych taryfaŭ) bolš za 60 tys. pasažyraŭ na praciahu pieršych dvuch tydniaŭ skarystalisia pajezdkaj u Rasiju na čyhunačnym transparcie», — rastłumačyli ŭ pres-centry.
U BČ adznačyli, što z metaj pavyšeńnia dastupnaści transpartnych pasłuh i źnižeńnia taryfnaj nahruzki na pasažyraŭ čyhunka prapanuje taksama šerah inšych taryfnych prahram, jakija dazvalajuć atrymlivać dadatkovyja źnižki ad 10% da 30% u zaležnaści ad terminaŭ nabyćcia prajaznoha dakumienta (kvitka); pry pajezdcy tudy-nazad; pry prajeździe na bakavych miescach u płackartnym vahonie. Akramia taho, z 1 studzienia 2017 hoda ŭ dva razy pavialičyŭsia pamier źnižak dla arhanizavanych hrup pasažyraŭ, jakija jeduć u mižnarodnym ruchu: 20% ad ahulnaha koštu prajezdu pry kolkaści hrupy ad 10 da 24 čałaviek; 30% — 25 čałaviek i bolš.
Z umovami źnižak možna aznajomicca na aficyjnym sajcie BČ.
