4 sakavika Źmicier Vajciuškievič, Uładzimir Niaklajeŭ i WZ-Orkiestra daduć u Vilni jubilejny kancert «Našy kachanyja», prymierkavany da 10-hodździa supolnaj tvorčaści muzyki i paeta. Padčas imprezy Uładzimir Niaklajeŭ budzie nie tolki čytać vieršy, ale i śpiavać.
— Mała chto viedaje, što Niaklajeŭ nie tolki hienijalny paet, ale i talenavity śpiavak, — raspaviadaje Źmicier Vajciuškievič. — I kali jon piša vieršy na muzyku, dyk zaŭsiody zapisvaje pracoŭnuju viersiju sa svaim vakałam. Potym my spračajemsia, i, byvaje, doŭha, jak lepš vykonvać pieśniu.
— Na scenie ja ŭsio žyćcio, ale nie śpiavaŭ na publicy daŭno. Apošni raz jašče na pačatku 80-ch u Kałonnaj zale Domu sajuzaŭ na viečarynie paeta Lva Ašanina, aŭtara hienijalnych piesień «Ech, darohi», «Ciače raka Vołha» dy inšych, — zhadvaje Uładzimir Niaklajeŭ.
Pačuć pieršy aficyjny frahmient śpievaŭ Niaklajeva z Vajciuškievičam možna ŭ admysłovym videaroliku.
Kvitki na kancert kaštujuć ad 31,5 da 47,5 rubloŭ. Apošniaja častka kvitkoŭ tolki ŭ «Teatralnaj kasie» (Minsk, vuł. Kalinina 5, pracoŭnyja dni z 10.00 da 19.00). Daviedka: (017) 395 05 65, (033) 6 5555 96.
Biełarusy majuć mahčymaść atrymać biaspłatnyja vizy, dziakujučy padtrymcy MZS Litvy. Padać dakumienty na biaspłatnuju vizu treba ad 15 studzienia da 15 lutaha ŭklučna. Pakrokavaja instrukcyja — tut.
