president.gov.by
Pra heta Alaksandr Łukašenka zajaviŭ u čas razmovy z navukovymi i navukova-piedahahičnymi rabotnikami paśla cyrymonii ŭručeńnia dypłomaŭ doktara navuk i atestataŭ prafiesara, paviedamlaje pres-słužba kiraŭnika krainy.
«U nas nie takaja katastrofa, kali nielha zarabić. Zarabić možna. Ale tym nie mienš nam treba pavyšać žyćciovy ŭzrovień, — upeŭnieny Alaksandr Łukašenka. — Siaredni zarobak u $500 — heta nie zavobłačnaja ličba. Papiarednie mnie paviedamili, što my ŭžo ŭ śniežni minułaha hoda mieli pad $417 siaredni zarobak pa krainie. Zastałosia zusim niašmat, kab dasiahnuć $500».
Pa słovach kiraŭnika dziaržavy, skieptyki, jakija ličać, što takoha ŭzroŭniu zarpłaty dasiahnuć niemahčyma, jość i va ŭradzie. «Niemahčyma — kładzi partfiel i sychodź. Kali prezident pastaviŭ zadaču, jana pavinna być vykanana.
Heta što, nierealizujemaja zadača? Realizujemaja. Prosta treba bolš pradać taho, što my ŭmiejem rabić, i taho, što nie rabili da hetaha času. Pradavajcie i płacicie ludziam», — skazaŭ Alaksandr Łukašenka.
U niekatorych krainach, zaŭvažyŭ kiraŭnik krainy, dachody bahatych ludziej u dziasiatki razoŭ pieravyšajuć dachody samych biednych słajoŭ nasielnictva. «Hladziš i na niekatorych našych bahacieńkich (pahatoŭ aliharchaŭ u krainie niama): jany bolš adpačyvajuć u hod, čym pracujuć.
A pahladziš, što pracoŭnyja majuć u hetaha bahataha čałavieka, heta $350. Jak ty možaš adpačyć na Sejšełach abo Kanarskich vyspach, a rabočym nie płacić? - zadaŭ rytaryčnaje pytańnie kiraŭnik dziaržavy. — Tamu heta nijaki nie papulizm, heta žyćcio našych ludziej. Jak by ni było składana, usio ž taki ludzi razumiejuć situacyju. Za heta treba im płacić. Šmat nie prašu - $ 500. Voś treba vyjści na $500, a dalej niachaj ludzi starajucca, bolš cisnuć nie budu».
Jon taksama źviarnuŭ uvahu, što pry najaŭnaści biaspłatnaj adukacyi i miedycyny, nizkich koštach pasłuh ŽKH i navat bienzinu (bo kraina nie maje šmatlikich radoviščaŭ nafty) dadzieny ŭzrovień zarabotnaj płaty prymalny. «Ja mahu vam zaŭtra dać $1000. Ale — pryjšli vučycca ŭ škołu — płaci, jak na Zachadzie; kinuŭsia ŭ navuku — płaci. Tamu lepš nam nie łamać toje, što jość, a heta pavoli ŭdaskanalvać», — padkreśliŭ biełaruski lidar.
