U redakcyju NN źviarnuŭsia čytač, jaki raspavioŭ pra dziŭnuju situacyju z nabyćciom prajaznoha. «Termin dziejańnia prajaznoha ciapier składaje 30 dzion zamiest 60. Mnie treba vosiem pajezdak na miesiac, ale mnie paviedamili što ciapier minimalnaja kolkaść pajezdak prajaznoha — 10. Mianie sama kasir u mietro papiaredziła i skazała — vy lepš žetony nabudźcie, bo ja 8 pajezdak prasiŭ. Pa-mojmu, 30 dzion — durata, jany ž nahruzku na žetony pavialičać».
My źviarnulisia da pres-słužby «Minsktransa», jakaja raspaviała pra źmieny ŭ prajaznych.
Pra kolkaść pajezdak
Ciapier minimalnaja kolkaść pajezdak na luby vid transparta — 10. Zatoje źjaviłasia mahčymaść nabyvać prajazny na 100 pajezdak.
Pra termin dziejańnia prajaznych
Ciapier termin dziejańnia prajaznych zaležyć ad kolkaści pajezdak.
Kolkaść pajezdak | Termin dziejańnia prajaznoha |
10-20 pajezdak | 30 sutak |
30-50 pajezdak | 60 sutak |
60-100 pajezdak | 80 sutak |
Čamu tak zrabili?
Reč u tym, što źnižka, jakuju atrymlivaŭ čałaviek pry nabyćci 5 pajezdak, była nieistotnaja. To bok cana prajaznoha nie adroźnivałasia ad cany 5 tałonaŭ. Na siońnia isnuje kala 190 vidaŭ prajaznych, tamu «Minsktrans» prybiraje niepapularnyja vidy prajaznych dziela taho, kab uvodzić novyja. Naprykład, ciapier abmiarkoŭvajecca inicyjatyva ab uviadzieńni prajaznych pa časie pajezdki.
Što tyčycca terminu dziejańnia prajaznoha, to ŭ «Minsktransie» adznačyli, što ŭ pradpryjemstva pastupali zvaroty, što pasažyry nie paśpiavajuć vykarystoŭvać 60 pajezdak za 60 dzion, a pajezdki źnikali.
Što jašče źjaviłasia novaha?
U raździele «Taryfy» na sajcie »Minsktransa» źjaviŭsia elektronny kalkulatar, z dapamohaj jakoha možna padabrać bolš zručny dla siabie prajazny: