Kampanija Apple adčytałasia ab rekordnaj za ŭsiu svaju historyju kvartalnaj vyručcy. Pastupleńni ad prodažaŭ za apošnija try miesiacy minułaha hoda skłali 78,4 młrd dalaraŭ, piša Bi-bi-si.
Pa słovach hienieralnaha dyrektara Apple Cima Kuka, za čaćviorty kvartał minułaha hoda Apple pradała bolš smartfonaŭ iPhone, čym kali-niebudź raniej.
Usiaho z kastryčnika pa kaniec śniežnia 2016 hoda kampanija pradała 78,29 młn smartfonaŭ iPhone. U 2015 hodzie za anałahičny pieryjad było pradadziena 74,78 młn smartfonaŭ Apple.
Pa dadzienych kampanii, rekordnaj była i vyručka ad prodažaŭ kampjutaraŭ Mac i «razumnych hadzińnikaŭ» Apple Watch, a taksama ad prodažu šerahu servisaŭ Apple.
Za niekalki hadzin paśla ahučvańnia spravazdačnaści za apošni kvartał 2016 hoda akcyi Apple vyraśli ŭ canie na 3%.
Na iPhone prychodzicca tradycyjna prykładna dźvie traciny ŭsich dachodaŭ Apple. U pačatku vieraśnia 2016 hoda kampanija pradstaviła novyja viersii svajho smartfona - iPhone 7 i iPhone 7 Plus.
Na praciahu troch papiarednich kvartałaŭ vyručka Apple padała - u asnoŭnym z-za rostu kankurencyi z boku kitajskich vytvorcaŭ i padzieńnia popytu na pradukcyju kampanii ŭ Kitai.
