Ekałahičnaja abstanoŭka ŭ Biełarusi stabilna palapšajecca. Takaja infarmacyja raźmieščanaja na infarmacyjnym resursie Hidramieta pogoda.by, paviedamlaje BIEŁTA.
fota Julii Balcevič
Arhanizacyi hidramietearałohii ŭ 2016 hodzie zabiaśpiečvali praviadzieńnie kompleksu rabot u halinie radyjacyjna-ekałahičnaha manitorynhu. «Analiz atrymanych vynikaŭ manitorynhu pavierchnievych vod (pravodziŭsia na 117 vodnych abjektach), ziamiel (hleby) (na 151 punkcie nazirańniaŭ), radyjacyjnaha manitorynhu atmaśfiernaha pavietra, pavierchnievych vod i hleby (na 76 punktach nazirańniaŭ) pakazaŭ, što ekałahičnaja abstanoŭka ŭ respublicy stabilna palapšajecca», — adznačajecca ŭ paviedamleńni.
Tak, pavialičyłasia kolkaść vodnych abjektaŭ, što adnosiacca da vydatnaha i dobraha hidrachimičnaha statusu. Nazirałasia tendencyja da źnižeńnia kancentracyi sulfataŭ, nitrataŭ, kadmiju i cynku ŭ hlebie.
Danyja chimika-analityčnych vymiareńniaŭ u probach hleby śviedčać ab tym, što kancentracyi vyznačajemych zabrudžvalnych rečyvaŭ u hlebie fonavych terytoryj značna nižejšyja za vieličyni hranična dapuščalnych kancentracyj, blizkija da ŭzroŭniaŭ, što nazirajucca ŭ fonavych rajonach krain Zachodniaj Jeŭropy, i adpaviadajuć suśvietnym acenkam.
Pavodle danych Hidramieta, radyjacyjnaja abstanoŭka na terytoryi Biełarusi zastavałasia stabilnaj, nie było vyjaŭlena ni adnaho vypadku pieravyšeńnia ŭzroŭniaŭ mahutnaści ekspazicyjnaj dozy nad šmathadovymi značeńniami.
