Kiraŭnik dziaržavy Alaksandr Łukašenka siońnia pryvioŭ da prysiahi sudździu Kanstytucyjnaha Suda Respubliki Biełaruś Viktara Rabcava.
Paśla pryniasieńnia sudździoj prysiahi Łukašenka ŭručyŭ Viktaru Rabcavu paśviedčańnie sudździ Kanstytucyjnaha suda i padarunkavy ekzemplar Kanstytucyi Biełarusi. Na cyrymonii taksama prysutničali staršyni Pałaty pradstaŭnikoŭ i Savieta Respubliki Nacyjanalnaha schodu, Viarchoŭnaha i Kanstytucyjnaha sudoŭ.
Alaksandr Łukašenka pažadaŭ Viktaru Rabcavu pośpiechaŭ na novaj adkaznaj pasadzie. «Vy ŭ nas viadomy vučony, praktyk. Dumaju, što Kanstytucyjny sud u vašaj asobie nabudzie hodnaha ekśpierta i zmahara za pravy našych ludziej, vartaŭnika vykanańnia Kanstytucyi», — skazaŭ kiraŭnik dziaržavy.
Prezident taksama adznačyŭ važnaść tradycyi publičnaha pryniasieńnia prysiahi sudździami Kanstytucyjnaha suda. «Samaje hałoŭnaje, heta lišni raz nahadvaje ŭsim nam u krainie i za jaje miežami ab demakratyčnaści našaha dziaržaŭnaha ładu», - padkreśliŭ Alaksandr Łukašenka.
