Chvalu abureńnia ŭ internecie ŭźniała pastanova Savieta Ministraŭ №927 «Ab ustanaŭleńni taksavaj vartaści za pabočnaje lesakarystańnie».
U pastanovie idzie havorka pra ŭstanaŭleńnie padatkaŭ ź fizičnych i jurydyčnych asobaŭ za zbor hryboŭ i jahad, arechaŭ, kary dubu, biarozaviku i hd.
Pavodle pastanovy, naprykład, za 1 kiłahram hryboŭ treba zapłacić 0,01 bazavaj vieličyni (0,23 rub).
Pry hetym pastanova była pryniataja niezaŭvažna — pry kancy listapada 2016 hoda, kali siezon zboru hryboŭ užo byŭ skončany.
Jak patłumačyli «Našaj Nivie» ŭ Minlashasie, ničoha strašnaha nie adbyłosia — hetyja taksy byli zaŭsiody, i zakranajuć jany tolki tych, chto źbiraje lasnyja resursy na prodaž.
«Nijakich novaŭviadzieńniaŭ niama, — skazaŭ nam Ihar Małaševič, načalnik upraŭleńnia Minlashasa. — Raniej pamier hetych taksaŭ kožny abłvykankam vyznačaŭ samastojna. I ciažka było patłumačyć, čamu ŭ adnym lesie taksa takaja, a ŭ susiednim, ale ŭ inšaj vobłaści — inšaja. Tamu prava vyznačyć dla ŭsich adnolkavyja taksy było addadziena Saŭminu».
Pavodle Ihara Małaševiča, apublikavany dakumient moža być cikavy tolki dla IP i tych biźniesoŭcaŭ, jakija robiać na lasnych resursach hrošy — ale jany i tak zaŭsiody płacili hety padatak.
Astatnich ža biełarusaŭ heta nie datyčyć — dla ŭłasnaha karystańnia hryby i jahady možna źbirać biaspłatna, jak i raniej.
