Kiraŭnik dziaržavy Alaksandr Łukašenka raskrytykavaŭ efiektyŭnaść pracy Akademii kiravańnia pry Prezidencie. Adpaviednyja zajavy jon zrabiŭ siońnia na naradzie pa aptymizacyi Administracyi prezidenta.
«Patrabujecca abjektyŭnaja acenka dziejnaści Akademii kiravańnia (darečy, acenku ja ŭžo daŭ). Kali łaska, vykonvajcie i nie zaciahvajcie. Kali ciapierašniaje kiraŭnictva Akademii kiravańnia nie razumieje, što rabić, jaho treba nieadkładna zamianić. Tudy jano było i nakiravana dla taho, kab pravieści narmalnuju pracu», — zajaviŭ prezident.
Pavodle jaho słoŭ, u Akademii kiravańnia ŭdaskanaleńnie pracy nieabchodna pačynać z adukacyjnych prahram. «Treba pahladzieć, kaho my tam budziem rychtavać, i pad ich rabić prahramy. Tudy pavinny traplać tolki pierśpiektyŭnyja budučyja dziaržaŭnyja słužačyja, jakija zaŭtra buduć zapatrabavanyja, — skazaŭ biełaruski lidar. — A vy praanalizujcie, kolki tam atrymali adukacyju ludziej, jakija zaŭtra naohuł na piensiju sychodziać. Jany jak byli ŭ hetych pasadach, tak i zastalisia. Navošta my tudy ich nakiroŭvajem, jaki sens u hetym?»
Kiraŭnik dziaržavy padkreśliŭ, što atrymańnie adukacyi ŭ Akademii kiravańnia nie pavinna być raściahnutym, adnak budučy kiraŭnik pavinien atrymlivać maksimum nieabchodnych viedaŭ. «Jon adtul pavinien vyjści z dobrym viedańniem zamiežnaj movy. Heta ž nie sprava, što siońnia dziaržsłužačyja praź pierakładčyka kantaktujuć sa svaimi adnahodkami za miažoj, ekśpiertami i inšymi. Peŭnyja viedy jurysprudencyi, asabliva ekanomiki. Nu i kiravańnie», — adznačyŭ Alaksandr Łukašenka.
«Adbor u Akademiju kiravańnia z hetaha hoda pavinien być pastaŭleny na samy vysoki ŭzrovień. Moža być, navat jak my pryznačajem kadry, z ulikam rekamiendacyj. Z kadravaha rejestra ci ž pa viertykali - rajvykankam, abłvykankam i inšyja orhany vyznačyć, jakija buduć nakiroŭvać tudy ludziej i nieści za heta adkaznaść», — dadaŭ kiraŭnik dziaržavy.
