ZAT «Jeŭraopt» 7 lutaha pačynaje prodaž svaich ablihacyj, vypuščanych dla jurydyčnych asob i nasielnictva, paviedamili ŭ kampanii.
Naminał adnoj kaštoŭnaj papiery — 1000 dalaraŭ ZŠA. Abjom emisii — 8 młn dalaraŭ ZŠA. Staŭka dachodu fiksavanaja i roŭnaja 10,5% hadavych. Termin abaračeńnia ablihacyj — piać hadoŭ.
Kupić ablihacyi ZAT «Jeŭraopt» možna va ŭstanovach «Biełarusbanka», śpis jakich dastupny na sajcie banka. Kupla robicca ŭ dołarach ZŠA. Dla kupli ablihacyj fizičnym asobam nieabchodna mieć pry sabie pašpart.
«Biełarusbank» adkryje pakupniku rachunak «depo», na jakim buduć zachoŭvacca nabytyja ablihacyi. Adnačasova ŭ banku adkryjuć biahučy rachunak, na jaki ŭ dalejšym buduć zaličvacca pracenty, a taksama srodki ad daterminovaha vykupu i pahašeńnia ablihacyj (dla hetych metaŭ mohuć być vykarystanyja ŭžo najaŭnyja ŭ inviestara ŭ «Biełarusbanku» rachunki abo bankaŭskija apłatnyja karty).
Dalej afarmlajecca daručeńnie na kuplu ablihacyj, pakupnik apłačvaje nieabchodnuju hrašovuju sumu, i pa vynikach tarhoŭ na biržy nabytyja ablihacyi zaličvajucca na rachunak «depo» pakupnika, jaki stanovicca ŭładalnikam ablihacyj.
Dachod pa ablihacyjach budzie vypłačvacca adzin raz na hod. Vypłata budzie pravodzicca ŭ biełaruskich rublach pa kursie Nacyjanalnaha banka Respubliki Biełaruś na datu vypłaty dachodu. Dla atrymańnia naležnych pakupniku sum u valucie emisijnyja dakumienty dajuć lubomu ŭładalniku ablihacyj mahčymaść štohadovaha prodažu ablihacyj emitentu praź sistemu Biełaruskaj valutna-fondavaj biržy. U hetym vypadku inviestar (pakupnik) atrymaje svoj prybytak i naminał ablihacyj u valucie. U adpaviednaści ź dziejnym zakanadaŭstvam vyzvalajucca ad padachodnaha padatku dachody fizičnych asob, atrymanyja pa apieracyjach z ablihacyjami.
Aznajomicca z praśpiektam emisii druhoha vypusku ablihacyj ZAT «Jeŭraopt» možna ŭ centrach absłuhoŭvańnia «Biełarusbanka».
ZAT «Jeŭraopt» stvoranaje ŭ 1995 hodzie. Asnoŭnymi vidami dziejnaści na hety momant źjaŭlajucca zdača ŭ arendu ŭłasnaj nieruchomaj majomaści, vytvorčaść elektryčnaj i ciepłavoj enierhii, akazańnie pasłuh techničnaha nahladu za budaŭnictvam i pasłuh pa praviadzieńni elektrafizičnych vymiareńniaŭ na abjektach. Klučavym partnioram ZAT «Jeŭraopt» źjaŭlajecca sietka mahazinaŭ «Jeŭraopt».
