Pry ekstradycyi ŭ Azierbajdžan rasijska-izrailskaha błohiera Alaksandra Łapšyna Biełaruś dobrasumlenna vykanała svaje mižnarodnyja abaviazacielstvy pa dahavory ab akazańni pravavoj dapamohi.
Pra heta zajaviŭ pres-sakratar MZS Dźmitryj Mirončyk 9 lutaha na bryfinhu ŭ Minsku, piša BiełaPAN.
«Pacta sunt servanda. Kali niechta zabyŭsia łatyń — dahavory pavinny vykonvacca», — skazaŭ Mirončyk.
Pradstaŭnik MZS padkreśliŭ, što nie vypadkova źviartajecca da temy Łapšyna tolki siońnia, pakolki 7 lutaha byŭ vyniesieny vierdykt Viarchoŭnaha suda, a ŭčora temu prakamientavali Hienprakuratura i MUS. «Ekstradycyja — pytańnie, jakoje lažyć vyklučna ŭ pravavoj płoskaści», — dadaŭ jon.
Kamientujučy prapanovy deputataŭ armianskaha parłamienta ab vyklučeńni Biełarusi z ADKB za ekstradycyju Łapšyna, Mirončyk padkreśliŭ: «Udzieł albo niaŭdzieł u Dahavory ab kalektyŭnaj biaśpiecy nosić vyklučna dobraachvotny charaktar i źjaŭlajecca ŭłasnym suvierennym vybaram toj ci inšaj dziaržavy. Jak vy viedajecie, Biełaruś svoj vybar zrabiła. Prapanova ab vyklučeńni z ADKB i tamu padobnyja pazbaŭlenyja jakich-niebudź padstaŭ».
Pres-sakratar taksama prakamientavaŭ biełaruska-rasijski aśpiekt situacyi. U apošni čas, adznačyŭ jon, «pamiž bakami ŭźnikajuć peŭnyja adroźnieńni ŭ razumieńni šlachoŭ vyrašeńnia aktualnych pytańniaŭ dvuchbakovaha paradku dnia». Pry hetym MZS Biełarusi paćviardžaje «niaźmiennuju prychilnaść» biełaruskaha boku da «družalubnych sajuźnickich adnosinaŭ z Rasijaj i raźličvaje na sustrečny kanstruktyŭny padychod pry pošuku raźviazak pa najaŭnych prablemnych momantach», zajaviŭ Mirončyk.
8 lutaha MZS Rasii vykazała «hłybokaje rasčaravańnie» z nahody ekstradycyi Alaksandra Łapšyna ź Biełarusi ŭ Azierbajdžan, a taksama zajaviła, što hetaje rašeńnie «nie adpaviadaje duchu sajuźnickich adnosin» pamiž Rasijaj i Biełaruśsiu».
