U vychodnyja na źmienu chaładam pryjdzie bolš ciopłaje i syroje pavietra. Mocnyja marazy adstupajuć, ale zima praciahvajecca, raspaviała TUT.BY hałoŭny sinoptyk Hidramieta Śviatłana Rybakova.
Fota Siarhieja Zinina
U hetyja vychodnyja, 11 i 12 lutaha, istotnych apadkaŭ pa krainie nie čakajecca, ale dzie-nidzie mahčymy nievialiki śnieh. Za košt vysokaj vilhotnaści čakajecca słaby tuman i stvareńnie namarazi. Tempieratura pavietra minimalnaja nočču -5 — -12°S, u noč na niadzielu pry prajaśnieńniach pavietra astudzicca da -15°S, maksimalnaja tempieratura dniom składzie -2 — -7°S.
U pačatku nastupnaha tydnia nadvorje pačnie mianiacca: atmaśfierny front pryniasie apadki, tempieratura budzie raści i nablizicca da klimatyčnaj normy, ale paryvisty viecier dadaść dyskamfort.
U paniadziełak, 13 lutaha, nočču pieravažna biez apadkaŭ, dniom u asnoŭnym pa paŭnočna-ŭschodniaj častcy krainy projdzie karotkačasovy śnieh, mokry śnieh, čakajecca słaby hałalod. Na asobnych učastkach daroh hałalodzica.
Dniom pa paŭnočnym uschodzie respubliki paryvisty viecier. Tempieratura pavietra minimalnaja nočču -5 — -10°S, pry prajaśnieńniach da -15°S; maksimalnaja dniom składzie 0 — -7°S.