Fiederalny Prezident Fiederatyŭnaj Respubliki Hiermanija Frank-Valter Štajnmajer
«Pierakanany, što Vašy dziełavyja i asabistyja jakaści, bahaty prafiesijny vopyt, ŭdumlivy i kanstruktyŭny padychod buduć spryjać plonnaj pracy na najvyšejšaj dziaržaŭnaj pasadzie Hiermanii», — havorycca ŭ vinšavańni.
Alaksandr Łukašenka adznačyŭ, što ŭ Biełarusi vysoka ceniać asabisty ŭkład Franka-Valtera Štajnmajera u pašyreńnie biełaruska-hiermanskaha supracoŭnictva i padtrymku pracesu narmalizacyi adnosin pamiž Respublikaj Biełaruś i Jeŭrapiejskim sajuzam. «Spadziajusia na dalejšaje raźvićcio ŭzajemadziejańnia pamiž našymi krainami», — dadaŭ Łukašenka.
Były ministr zamiežnych spraŭ FRH Frank-Valter Štajnmajer abrany 12-m prezidentam Hiermanii. Jon atrymaŭ nieabchodnuju dla pieramohi padtrymku bolš za pałovu delehataŭ Fiederalnaha schodu — orhana, jaki sklikajecca śpiecyjalna dla taho, kab abrać kiraŭnika dziaržavy.
Na 19 sakavika zapłanavanaja cyrymonija inaŭhuracyi. Štajnmajer źmianiaje na pasadzie 77-hadovaha Joachima Haŭka.
Pasada prezidenta ŭ Hiermanii pradstaŭničaja. Realnyja ryčahi ŭłady skancentravanyja ŭ rukach kanclera.