Fota abw.by
Razhladać jaje budzie sud Lachavickaha rajona, ale data sudovaha pracesu pakul nie pryznačanaja.
Eks-daišnika vinavaciać u parušeńni praviłaŭ darožnaha ruchu asobaj, jakaja kiravała transpartnym srodkam u stanie ałkaholnaha apjanieńnia, što paciahnuła pa nieaściarožnaści śmierć čałavieka.
DTZ, jakoje pryviało supracoŭnika DAI na łavu padsudnych, adbyłosia 26 listapada 2016 hoda. Kiraŭnik Baranavickaj DAI jechaŭ pjanym na ŭłasnym aŭto — nie ŭ formie i ŭ volny čas. Na trasie kala vioski Darava ŭ Lachavickim rajonie jon źbiŭ 36-hadovuju žančynu. Maci dvaich dziaciej zahinuła na miescy.
Paśla avaryi kiroŭcu zatrymali i źmiaścili ŭ izalatar časovaha ŭtrymańnia. 29 listapada jaho ŭziali pad vartu. Ministr unutranych spraŭ Ihar Šunievič vielmi rezka vykazaŭsia pra hety vypadak i paviedamiŭ, što supracoŭniki DAI prachodziać pravierku na palihrafie.
Jak vyjaviła śledstva, praviedzienaje ŭpraŭleńniem Śledčaha kamiteta pa Bresckaj vobłaści, u momant DTZ žančyna išła pa piešachodnym pierachodzie. Aŭtamabil ruchaŭsia z chutkaściu, bolšaj za 60 km/hadz.
