Adździełam Śledčaha kamiteta Białynickaha rajona ŭ dačynieńni da miascovaj žycharki raspačata kryminalnaja sprava pa art.139 (zabojstva) KK Biełarusi, paviedamiła BiełTA aficyjny pradstaŭnik USK pa Mahiloŭskaj vobłaści Aksana Salaniuk.
Paviedamleńnie ab svarcy dvuch žančyn pastupiła ŭ milicyju ad susiedziaŭ 15 lutaha — u dvary pryvatnaha doma Białyničaŭ byli čutny kryki i zakliki ab dapamozie. Na miesca zdareńnia prybyła śledča-apieratyŭnaja hrupa, jakaja pabačyła dźviuch žančyn (1944 i 1971 hadoŭ naradžeńnia) z množnymi kołata-rezanymi ranieńniami. Jany byli špitalizavany ŭ rajbalnicu, dzie maładziejšaja ź ich pamierła. Žančyny — śviakroŭ i niaviestka. Adbyłasia svarka, padčas jakoj jany nanieśli adzin adnoj nažavyja ranieńni.
Pa kryminalnaj spravie pryznačany šerah ekśpiertyz. Matyŭ złačynstva vyśviatlajecca.
