Rasijskija ŭłady nie razhladajuć mahčymaść uviadzieńnia vizavaha režymu ź Biełaruśsiu. Pra heta zajaviŭ u čaćvier pres-sakratar prezidenta Dźmitryj Piaskoŭ.
«Nie, takaja tema nie razhladajecca», — cytuje RBK adkaz Piaskova na adpaviednaje pytańnie žurnalistaŭ.
Pavodle apošniaha apytańnia Usierasijskaha centra vyvučeńnia hramadskaj dumki (VCIOM), 78% rasijanaŭ vystupajuć za vizavy režym ź Biełaruśsiu, miarkujučy, što «Rasija nie pavinna puskać na svaju terytoryju nieviadomych ludziej». Pry hetym bolšaść rasiejcaŭ (40%) pa-raniejšamu ŭsprymajuć Biełaruś jak «siabroŭskaja dziaržava».
U studzieni 2017 hoda Minsk uvioŭ biaźvizavy ŭjezd na 5 dzion dla hramadzian 80 krain, u tym liku ZŠA i ES. Praź niekalki tydniaŭ paśla hetaha Rasija ŭviała režym pamiežnaj zony na miažy ź Biełaruśsiu.
