Zajava z nahody vyklučeńnia Sajuza biełaruskich piśmieńnikaŭ ź pieraliku tvorčych sajuzaŭ
19 lutaha ŭstupiła ŭ dziejańnie pastanova №7 Ministerstva kultury Respubliki Biełaruś ad 30 studzienia 2017 hoda «Ab vyznačeńni pieraliku tvorčych sajuzaŭ», dzie nie znajšłosia miesca dla Sajuza biełaruskich piśmieńnikaŭ — najstarejšaha tvorčaha abjadnańnia Biełarusi. Siarod zasnavalnikaŭ našaha tvorčaha sajuza ŭ 1934 hodzie byli Janka Kupała i Jakub Kołas, Źmitrok Biadula i Janka Maŭr, a ŭ kiravańni im udzielničali ŭsie biez vyklučeńnia narodnyja paety i piśmieńniki Biełarusi, u tym liku Michaś Łyńkoŭ i Arkadź Kulašoŭ, Janka Bryl i Vasil Bykaŭ, Ryhor Baradulin i Nił Hilevič.
My ličym, što nieŭklučeńnie Ministerstvam kultury našaj piśmieńnickaj arhanizacyi ŭ lik tvorčych sajuzaŭ maje palityčnuju afarboŭku i źjaŭlajecca haniebnym krokam, jaki škodzić nacyjanalnamu i hramadska-kulturnamu raźvićciu krainy, pravakuje mižnarodny rezanans i niehatyŭna ŭpłyvaje na imidž našaj dziaržavy. HA «Sajuz biełaruskich piśmieńnikaŭ» maje dziesiacihodździami paćvierdžany vysoki mižnarodny aŭtarytet, razam z 70 piśmieńnickimi sajuzami krain Jeŭropy ŭvachodzić u Jeŭrapiejskuju Piśmieńnickuju Radu, źjaŭlajecca pravadziejnym siabram Hienieralnaj asamblei Rady piśmieńnikaŭ Bałtyi.
Ad imia siabroŭ najstarejšaj tvorčaj arhanizacyi krainy patrabujem pierahladu pastanovy, pryniataj Ministerstvam kultury, i viartańnia našamu hramadskamu abjadnańniu statusa tvorčaha sajuza.
20 lutaha 2017 h.
