Fota Siarhieja Hudzilina.
Na sudzie nad Uładzisłavam Kazakievičam ahučyli jaho dyjahnaz — šyzoidny razład asoby i ŭmierana depresiŭny epizod.
Jaho ahučyŭ śviedka Jaŭhien Łasy — doktar, jaki adzin raz kansultavaŭ padsudnaha jak pacyjenta «Navinak». Jon skazaŭ: z boku Kazakieviča byli «suicydalnyja dziejańni».
«Nibyta byŭ kanflikt u škole, byŭ momant kryzisu, nibyta jon štości padpaliŭ. Na žal, usiaho nie pamiataju, takich kansultacyjaŭ u mianie šmat», — skazaŭ Jaŭhien Łasy.
Dyjahnaz, ź jakim Uładzisłaŭ Kazakievič byŭ u «Navinkach», — umierana depresiŭny epizod i šyzoidny razład asoby. Doktar uzhadaŭ, što pacyjent dva razy rabiŭ sprobu suicydu.
Jaŭhien Łasy patłumačyŭ, što dyjahnaz «šyzoidny razład asoby» ŭklučaje ŭ siabie «ŭ tym liku schilnaść da niestandartnych učynkaŭ, niezvyčajnyja idei, fantazii, pavodziny». Jon taksama adznačyŭ, što adzinota moža spryjać raźvićciu hetaha zachvorvańnia i što jano na ŭsio žyćcio.
«Taki čałaviek moža adroźnivać realnaść ad svaich fantazij, ale ŭ jaho moža być schilnaść da mistyki, svajoj vyklučnaści, i jaho heta moža zachapić. Tut šmat zaležyć ad peŭnaha čałavieka», — skazaŭ Łasy, dadaŭšy, što šyzoidny razład asoby ŭpłyvaje na zdolnaść spačuvać inšym ludziam.
