Prezidyum Viarchoŭnaha suda Rasii admianiŭ prysud Ildaru Dadzinu, jaki byŭ pieršym prysudžany da realnaha termina pazbaŭleńnia voli pa artykule 212.1 KK (nieadnarazovaje parušeńnie ŭstalavanaha paradku arhanizacyi abo praviadzieńnia mitynhu).
Ildar Dadzin. Fota: Vasil Piatroŭ / Facebook
Admianić pakarańnie i vyzvalić Dadzina paprasiła jaho abarona, a ŭśled za joj Hienprakuratura RF.
Artykuł 212.1 KK raniej byŭ abskardžany Dadzinym u Kanstytucyjnym sudzie. Toj paćvierdziŭ dovady aktyvista ab tym, što artykuł byŭ prymienieny ŭ jaho spravie sa šmatlikimi parušeńniami Kanstytucyi i dazvoliła pazbavić voli raniej nie asudžanaha i jaki nie pryčyniŭ škody pa farmalnych padstavach jaho nieadnarazovaha ŭdziełu ŭ niesankcyjanavanych mierapryjemstvach.
Kanstytucyjny sud vyrašyŭ, što prysud Dadzinu pavinien być pierahledžany. Pry hetym sam artykuł, pa jakim jon byŭ asudžany, sud pryznaŭ adpaviednym Kanstytucyi.
Ildar Dadzin staŭ pieršym asudžanym za nieadnarazovaje parušeńnie praviłaŭ praviadzieńnia mitynhu. U śniežni 2015 hoda jaho pryhavaryli da troch hadoŭ kałonii, paźniej termin skaracili na paŭhoda.
Rasijski palitviazień raskazaŭ pra dzikija katavańni ŭ kałonii
