U Mahilovie maršrutka z pasažyrami pierakuliłasia z-za sutyknieńnia ź lehkavikom. Niaznačnyja ranieńni atrymali kiroŭca maršrutki i niekalki jaje pasažyraŭ, paviedamili BIEŁTA va UDAI UUS Mahiloŭskaha abłvykankama.
Fota UDAI UUS Mahiloŭskaha abłvykankama
Avaryja ŭ abłasnym centry adbyłasia ranicaj 22 lutaha na praśpiekcie Šmita. «Mahiloviec, kirujučy aŭtamabilem Opel, adciahnuŭsia i vyjechaŭ nasustrač maršrutnamu taksi. U vyniku sutyknieńnia maršrutka vyjechała na tratuar i pierakuliłasia, a Opel urezaŭsia ŭ inšuju mašynu anałahičnaj marki», — skazali ŭ DAI.
U ciapierašni čas inśpiekcyja pravodzić pravierku pa fakcie DTZ i šukaje vidavočcaŭ zdareńnia.
0
0
0
0
0
0
