Kancler FRH Anhieła Mierkiel zaklikała vykonvać standarty biaśpieki pry budaŭnictvie atamnaj elektrastancyi ŭ Astraŭcy (BiełAES). Pra heta jana zajaviła ŭ čaćvier u Bierlinie na pres-kanfierencyi paśla sustrečy z premjer-ministram Litvy Saŭlusam Skviarnialisam, paviedamlaje DW.
Pa słovach Mierkiel, usio roŭna, žyvieš ty pa susiedstvie abo dalej, paśla katastrofy na Čarnobylskaj AES viadoma, što «biaśpieka atamnych elektrastancyj maje vyrašalnaje značeńnie». Kiraŭnik urada FRH dadała, što zastajecca «znoŭ i znoŭ zaklikać» da taho, kab mižnarodnyja inśpiektary naviedali budoŭlu AES u Biełarusi i aznajomilisia z techničnymi paramietrami budučaj stancyi. Jana taksama adznačyła, što atamnaja enierhietyka nie źjaŭlajecca spravaj tolki adnoj krainy.
«My budziem pry kožnaj mahčymaści havaryć i z Rasijaj pra toje, jak važnaja dla nas hetaja tema», — skazała Mierkiel. Choć pohlady na hetuju prablemu adroźnivajucca, jaje treba abmiarkoŭvać, dadała jana.
Litoŭski premjer, u svaju čarhu, padkreśliŭ, što budaŭnictva BiełAES u 50 kiłamietrach ad Vilni źjaŭlajecca nie litoŭskaj, a prablemaj usiaho rehijonu. «Dla Litvy heta — pytańnie vyžyvańnia», skazaŭ jon.
