EPA
U čaćvier ranicaj na Brytaniju abrynuŭsia ŭrahan «Dorys», pryniosšy z saboj škvalny viecier i štarmavyja chvali. Brytanski mieteacentr vypuściŭ štarmavoje papiaredžańnie dla paŭnočnych, uschodnich i centralnych rajonaŭ Anhlii, a taksama Paŭnočnaha Uelsa, piša VVS.
PA
Nie abyšłosia biez achviar: u centry anhlijskaha Vułvierchemptana zahinuła žančyna, na jakuju zvaliŭsia kavałak dachu.
Dreva abrynułasia na dom u rajonie Ehbiert uLivierpuli. Fota PA
Sinoptyki ŭžo nazvali sioletni štorm «klimatyčnaj bombaj». Z-za ŭrahanu byli admienienyja dziasiatki rejsaŭ samalotaŭ, niepahadź taksama parušyła raskład ciahnikoŭ i pracu Livierpulskaha porta.
Tak vyhladaje ŭrahan «Dorys» na zdymku sa spadarožnika. Fota PA
Getty
U Šatłandyi, jak papiaredžvajuć sinoptyki, čakajecca da 15 sm śniežnaha pokryva.
Getty
U mnohich rajonach Šatłandyi z-za mocnaha śniehapadu uźnikli šmatkiłamietrovyja zatory na darohach. Tysiačy damoŭ i ŭstanoŭ akazalisia bieź śviatła ŭ Paŭnočnaj Irłandyi, Uelsie i Jorkšyry.
AP
Pa słovach sinoptykaŭ, isnuje ryzyka pavodak u Paŭnočnaj Irłandyi, a taksama ŭ nizoŭjach paŭnočnaj Anhlii i poŭdnia Šatłandyi.
AP
«Dorys» taksama paškodziła drevy na znakamitaj alei «Dark Chiedžes» u Paŭnočnaj Irłandyi, dzie zdymaŭsia papularny sieryjał «Hulnia tronaŭ».
PA
Usie aviečki, jakija pasucca na łuhach u hrafstvie Kambryja na poŭnačy Anhlii, apranutyja pa nadvorji — u śpiecyjalnyja płaščy.
PA
Dramatyčnaja karcina na Staroj rynkavaj płoščy ŭ Nacinhiemie, dzie na fonie navalničnych chmar nad kołam ahladu ŭźnikła viasiołka.
PA
Štorm «Dorys» dalacieŭ i da Łondana, dzie miakkaje viasnovaje nadvorje ŭ čaćvier ranicaj źmianiłasia na nadzvyčaj vietranaje. U brytanskaj stalicy taksama parušanaja praca pryharadnych ciahnikoŭ, mnohich naziemnych linij mietro i niekalkich aeraportaŭ.
Adnak nijaki štorm sełfi nie pieraškoda: dziaŭčaty sprabujuć sfatahrafavacca na łondanskim Viestminsterskim moście. Fota PA
