U łahiery abaroncaŭ la budaŭničaj placoŭki ŭ Zialonym Łuzie pobač ź miemaryjałam «Kurapaty» nočču zastavałasia kala 20 čałaviek.
Vośmaja noč u łahiery abaroncaŭ Kurapataŭ prajšła bieź incydentaŭ. Ludzi pa čarzie dziažuryli i adpačyvali ŭ namiotach. Ciapier udzielniki abarony Kurapataŭ rychtujucca da abvieščanaj na ranicu (mierkavałasia a 8-j) mabilizacyi — času, kali mohuć pryjści budaŭniki.
Učora častka budaŭnikoŭ zabrała z bytovak svaje rečy, častka techniki była adviedzienaja z budaŭničaj placoŭki.
A 8.00 u łahiery pačaŭsia mitynh, na jakim pieršym vystupiŭ paet Uładzimir Niaklajeŭ, jaki čytaŭ vieršy.
Paźniej vystupiŭ Źmicier Daškievič, jon paviedamiŭ, što a 7 ranicy z budplacoŭki źjechaŭ ekskavatar, kiroŭca jakoha jamu skazaŭ, što niekalki dzion pracy tut nie budzie.
«Mnie viadoma, što nas nie buduć čapać, chiba zachočuć uziać na zmor», — skazaŭ Daškievič, ale zaklikaŭ zastavacca: «Pracy prypynienyja, u luby momant, kali jany, budaŭničyja pracy, adnoviacca, my zmožam supraćstajać».
