Zavieršana pravierka z nahody pieramalavanaha hrafici pra siabroŭstva Maskvy i Minska ŭ biełaruskaj stalicy. Padstaŭ dla zaviadzieńnia kryminalnaj spravy nie znajšli, jak i samoha mastaka. Adnak skłali pratakoły ab administracyjnych pravaparušeńniach na dvuch imaviernych udzielnikaŭ akcyi.
Fota Nastaśsi Roŭda
«Padčas daśledčaj pravierki prykmiet kryminalna dziejańnia nie ŭstanoŭlena. Vyjaŭleny prykmiety administracyjnaha pravaparušeńnia. Materyjały pieradadzienyja ŭ milicyju dla dačy pravavoj acenki i pryciahnieńnia asoby da administracyjnaj adkaznaści», — paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksiej Klimovič.
U staličnaj milicyi raspaviali, što pratakoły ab administracyjnym pravaparušeńni składzieny ŭ dačynieńni da dvuch čałaviek pa artykule 10.9 KaAP (Naŭmysnaje źniščeńnie abo paškodžańnie majomaści). Im pahražaje štraf u pamiery da 50 bazavych (1150 rubloŭ). Hetych hramadzian milicyja paličyła datyčnymi, a voś sam mastak fihuruje jak nieŭstanoŭlenaja asoba.
U bližejšy čas pratakoły razhledzić sud, raspavioŭ aficyjny pradstaŭnik HUUS Minharvykankama Alaksandr Łastoŭski.
- Materyjały pravierki sabrany i buduć u chutkim časie nakiravanyja ŭ sud Kastryčnickaha rajona Minska.