 |
Ministerstva handlu padało ŭ sud na šerah biełaruskich televizijnych kanałaŭ, abvinavaciŭšy ich u parušeńni Zakonu ab reklamie. Jak pakazała praviedzienaja pravierka, reklama, što tranślujecca na hetych kanałach, była zanadta hučnaj u paraŭnańni z astatnimi pieradačami. Eksperty śćviardžajuć, što heta było vyklikana nia złym namieram televizijnikaŭ, a niedaskanałaściu najaŭnaha ŭ ich abstalavańnia.
Jak paviedamili «Je» u Ministerstvie handlu, jakoj, u adpaviednaści ź dziejnym zakanadaŭstvam, pavinna ažyćciaŭlać kantrol nad vykanańniem zakanadaŭstva ab reklamie, pravierka telekanałaŭ była inicyjavana “źnizu”. Pryniać takoje rašeńnie supracoŭnikaŭ Ministerstva prymusili surjoznaje pavieličeńnie kolkaści atrymanych skarhaŭ na ŭzrovień huku reklamy.
Kab vyśvietlić, ci sapraŭdny televizijniki parušajuć p.11 art.11 Zakonu «Ab reklamie», u jakim śćviardžajecca, što ŭzrovień reklamy nie pavinien pieravyšać uzrovień huku tranślujemych prahram, na pačatku krasavika čynoŭniki źviarnulisia da specyjalistaŭ Biełaruskaha dziaržaŭnaha instytuta metralohii z prośbaj pravieryć hetyja parametry na kanałach STV, RTR, «NTV-Biełaruś», ANT, «8-y kanał» i «Pieršy muzyčny».
Paśla taho jak novyja i vielmi ŭvažlivyja hledačy na praciahu dastatkova doŭhaha pramiežku času zamiarali ŭzrovień huku na hetych kanałach zranku, udzień i ŭviečary, vyśvietliłasia, što praktyčna ŭsie jany čas ad času hrašać pavyšanaj hučnaściu reklamy. Praŭda, hrachi hetyja vyjavilisia nie takimi ŭžo j strašnymi — na bolšaści kanałaŭ roźnica va ŭzroŭni huku reklamy i pieraryvajemaj joju pieradačy vahajecca ŭ miežach 1—2,5 dBA. Kali ŭličyć, što 1 dBA — minimalnaja roźnica, jakuju moža adčuć čałaviek, vychodzić, što reklama była nie tkoj užo i hučnaj. Specyjalisty miarkujuć, što jejnaje razdražnialnaje dziejańnie na hledača hruntujecca nia tolki na jaje hučnaści, ale i na inšych faktarach, jakija vykarystoŭvajucca vytvorcami reklamy, kab zrabić jaje bolš prykmietnaj. Znachodziać jany i tłumačeńnie tamu, jak mocna vyłučajecca na fonie inšych vinavatych kanał ANT, roźnica pamiž uzroŭniem huku reklamy i pieradačaŭ dasiahała 5 dBA. Na ich dumku, adna z pryčynaŭ moža być u tym, što pry źmiešvańni rasiejskich pieradačaŭ ź biełaruskaj reklamaj uźnikajuć techničnyja składanaści ŭ vyroŭnivańni ŭzroŭniu huku.
Jak pakazali daśledavańni, hučniej za ŭsio hučyć reklama, jakaja pieraryvaje seryjały i mastackija filmy, a voś uzrovień huku šerahu infarmacyjnych pieradačaŭ časam navat pieravyšaje ŭzrovień huku reklamy.
Vystupajučy na sudovych pracesach, jakija iduć zaraz nad kanałami-parušalnikami, ich pradstaŭniki sprabujuć abaraniacca, spasyłajučysia na supiarečnaści ŭ narmatyŭnych dakumentach, u adpaviednaści ź jakim pavinny pravodzicca takija daśledavańni. Tak, na sudzie nad «Pieršym muzyčnym”, jaki adbyŭsia na minułym tydni, hałoŭny inžyner kanała admoviŭsia pryznavać siabie vinavatym, zajaviŭšy, što vymiareńni, praviedzienyja takim čynam, ŭ šerahu vypadkaŭ mohuć być niekarektnymi.
Supracoŭniki BiełDZIMu piarečać, što pakolki praviedzienaja imi seryja vymiareńniaŭ pakazała nie adzinkavyja, a rehularnyja pieravyšeńni ŭzroŭniu huka, Zakon «Ab reklamie» byŭ parušany ŭ lubym razie.
