Viasieńnimi vodami ŭ Biełarusi moža być padtopleny 51 nasieleny punkt u 16 rajonach. Pra heta paviedamiŭ siońnia na pres-kanfierencyi pieršy namieśnik načalnika ŭpraŭleńnia avaryjna-vyratavalnych słužbaŭ i likvidacyi nadzvyčajnych situacyj MNS Andrej Juržyc, pieradaje BIEŁTA.
Hidramiet pradastaŭlaje poŭnuju infarmacyju MNS ab tym, čaho čakać ad pavodki. Zychodziačy z hetaha prahnozu, ministerstva arhanizuje svaju rabotu. «U 16 rajonach i 51 nasielenym punkcie Biełarusi mahčymy padtapleńni viasieńnimi vodami. Na hety momant padtopleny try ŭčastki daroh i adnaho mosta. Padrychtavany ŭžo kartahrafičnyja materyjały, uziaty na ŭlik usie nasielenyja punkty», — adznačyŭ Andrej Juržyc.
U MNS jość try vodnyja paduški, sfarmiravana 14 zvodnych atradaŭ, jakija mohuć adpampavać vadu i chutka dabracca da miesca zdareńnia. Na bajavych dziažurstvach pa ŭsioj krainie štodzień znachodziacca 2344 čałavieki i 1500 adzinak pažarnaj techniki i ŭ reziervie jašče tysiača, jakija kruhłasutačna niasuć svaju słužbu.
«Słužby ŭzajemadziejańnia i avaryjnyja bryhady hatovy da ŭsich ekstrannych situacyj. Kali niejki nasieleny punkt budzie adrezany vadoj, arhanizujecca padvoz praduktaŭ charčavańnia. U nas zadziejničany kaśmičny manitorynh. Taksama ŭ nas naładžana ŭzajemadziejańnie ź dziaržaŭnymi słužbami pa nadzvyčajnych situacyjach Ukrainy i Rasijskaj Fiederacyi. Pry pavyšeńni ŭzroŭniu rek my hatovy da mamientalnaha reahavańnia», — skazaŭ Andrej Juržyc.
U svaju čarhu pieršy namieśnik načalnika Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Raman Łabaznoŭ zapeŭniŭ, što ŭ Biełarusi pryniaty ŭsie miery da sustrečy viasieńniaj pavodki.
«Usia sietka Hidramieta pieraviedziena va ŭzmocnieny režym niasieńnia słužby. U hetu rabotu ŭklučana amal 80 infarmacyjnych hidrałahičnych pastoŭ pa ŭsioj krainie. Štodzień usia infarmacyja pieradajecca ŭ MNS. Uzajemadziejańnie arhanizavana na samym vysokim uzroŭni», — skazaŭ jon.
