24-hadovaja vypusknica Savanskaha kaledža mastactva i dyzajnu (štat Džordžyja, ZŠA) Hanna Chaldevanh raspracavała mini-drony Plan Bee, jakija imitujuć pavodziny pčały ŭ apyleńni kvietak. Pčała-dron usmoktvaje pyłok z adnoj kvietki i raspylaje jaho na inšyja, što dazvalaje ažyćciaŭlać pierakryžavanaje apyleńnie (pieranos pyłku z tyčynak adnoj kvietki na rylca pieścika inšaj kvietki).
Hanna Chaldevanh stvaryła Plan Bee, kab u pieršuju čarhu pakazać važnaść pčoł, bieź jakich niemahčymaja sielskahaspadarčaja dziejnaść i isnavańnie čałavieka naohuł. Amierykanskaja studentka ličyć, što raspaŭsiudžańnie viedaŭ pra pčoł i ich rolu ŭ ekasistemie — važnaja misija, tamu što heta nasiakomaje asabliva ŭraźlivaje z-za ekałahičnych prablem i hłabalnaha paciapleńnia.
Hanna Chaldevanh raspracavała pratatyp Plan Bee, jaki źniešnie mała nahadvaje pčału. U pieršuju čarhu amierykanskaja studentka chacieła nadzialić mini-drony funkcyjami sapraŭdnaj pčały, tamu jana nie imknułasia dasiahnuć źniešniaha padabienstva.
Da stvareńnia finalnaj viersii Chaldevanh raspracavała 50 roznych varyjantaŭ dyzajnu. Dron-pčała zroblena z parałonu, płastykavaj abałonki i pary prapieleraŭ. Kožny z šaści siektaraŭ Plan Bee maje maleńkija adtuliny, jakija ŭsmoktvajuć pyłok z kvietak, a potym apylajuć susiednija kvietki.
Hanna Chaldevanh užo zapatentavała svaju raspracoŭku, chacia napieradzie ŭ Plan Bee budzie jašče šmat darobak. 24-hadovaja vypusknica kaledžu spadziajecca, što praz 2 hady možna budzie stvaryć rynačny pradukt, jaki možna budzie vykarystoŭvać nie tolki ŭ adukacyjnych metach, ale i ŭ sielskaj haspadarcy.
