Ab hetym Alaksandr Łukašenka zajaviŭ siońnia na naradzie ab aktualnych pytańniach raźvićcia krainy.
«U krainie pavinien być naviedzieny idealny paradak. Niekatoryja zajaŭlajuć: ja prychodziŭ na płošču i jašče pryjdu. Na płošču čałavieku nielha zabaranić chadzić. Padklučyciesia da hetaj pracy, bo hetaja praca pravalenaja ŭ Minsku, abłasnych, bujnych haradach. Vyznačcie ŭ haradach tuju płošču, na jakuju ludzi mohuć pryjści i vykazać svajo mierkavańnie.
Tam buduć načalniki viertykali ŭłady», — zajaviŭ Alaksandr Łukašenka.
«Ale nijakaj pieraškody narmalna žyć pracoŭnym być nie pavinna. Vy viedajecie, što našy «majdanutyja» pajechali ŭ Kijeŭ šukać tam «majdanutych» arhanizataraŭ.
Vy ž razumiejecie, što hetyja ludzi (jakija ŭdzielničajuć u masavych akcyjach) buduć harmatnym miasam, masoŭkaj. Jany ž nie z palityčnymi łozunhami tudy iduć. A 300—400 čałaviek na čale z našymi admarozkami, jakija ŭ Kijeŭ jeździli, — jany buduć pravakavać. jany znojduć 10—20 prafiesijanałaŭ, jakija ŭ Kijevie adkryli stralbu. A kali praljecca kroŭ, tady ŭžo biada. Tamu pracavać treba na papiaredžańnie. Ja kažu heta publična», — skazaŭ kiraŭnik krainy.
«My pavinny navučycca vieści dyjałoh ź ludźmi», — padkreśliŭ Alaksandr Łukašenka.
«My nie suprać šeściaŭ, demanstracyj. My i na dziaržaŭnym uzroŭni heta pravodzim (niadaŭna da Dnia milicyi praviali).
Ludziam dla vykazvańnia svaich mierkavańniaŭ taksama pavinna być adviedziena svajo miesca, jak u raźvitych krainach Zachadu. Chaj tudy prychodziać i vykazvajuć ułasnaje mierkavańnie, — adznačyŭ kiraŭnik dziaržavy. — i kali jany paklikali tudy načalnika, značyć, jon tam pavinien być. I nie daj boh hetaha načalnika chtości tam abrazić. Milicyja pavinna adfiksavać padobnuju abrazu i pryniać samyja žorstkija miery».
Alaksandr Łukašenka zapatrabavaŭ zabiaśpiečyć žorstkuju adkaznaść za parušeńni.
«Spyniać usiakija sproby (heta nie tyčycca ludziej, jakija chočuć źviarnuć na siabie ŭvahu i jakija trapili ŭ ciažkuju žyćciovuju situacyju).
Nam treba, jak razynki z bułki, pavykałuplivać pravakataraŭ. I adkazvać jany pavinny pa ŭsioj strohaści zakona», — zajaviŭ Łukašenka.
«Majdanu ŭ Biełarusi nie budzie. Navat pieradumoŭ da hetaha niama. Ale zaŭsiody treba pracavać na dalokich podstupach da toj ci inšaj prablemy», — dadaŭ jon.
