Dniami ŭ internecie źjaviłasia videa kanfliktu pamiž kantraloram i pasažyrkaj. Na zapisy vidać, jak žančyna lažyć na ziamli, u rukach u jaje torbačka, za ručki jakoj ciahnie revizor. U «Minsktransie» patłumačyli: kantralor dziejničaŭ pa instrukcyi i da pryjezdu milicyi utrymlivaŭ bieźbiletnicu.
U arhanizacyi ličać: videa, jakoje źjaviłasia ŭ siecivie, adlustroŭvaje kanflikt tolki častkova. Arhanizacyja dała TUT.BY videa z rehistratara praviarajučaha: tut zdareńnie ad pačatku i da kanca.
Kanflikt adbyŭsia 16 lutaha na 88-m aŭtobusnym maršrucie. Na vulicy Ubareviča ŭ transpart zajšli revizory i vyjavili dźviuch bieźbiletnic. Žančyn paprasili vyjści na nastupnym prypynku, tyja pahadzilisia. Paźniej, paviedamlajuć u «Minsktransie», vyśvietliłasia, što ŭ adnoj ź ich niama dakumientaŭ, płacić štraf jana admoviłasia.
Jak vy staviciesia da takoj situacyi? Jak vyrašajecca prablema bieźbiletnikaŭ u inšych krainach? Pišycie ŭ kamientach.
