Tereza Mej Fota: Geert Vanden Wijngaert / AP
Premjer-ministr Vialikabrytanii Tereza Mej zaklikała Zachad uzmacnić supraćdziejańnie «rasiejskaj dezynfarmacyjnaj kampanii, jakaja destabilizuje situacyju na Bałkanach». Pra heta brytanski premjer zajaviła ŭ čaćvier na sustrečy lidarami ES. Tekst jaje vystupu apublikavany na sajcie brytanskaha ŭrada.
Mej zajaviła, što zaniepakojenaja «narastajučaj niestabilnaściu» ŭ hetym rehijonie i vyklikanymi hetym ryzykami dla «kalektyŭnaj biaśpieki».
«U śviatle niadaŭnich sprobaŭ zładzić dziaržpieravarot u Čarnahoryi ja paprašu nas zrabić bolš dla procidziejańnia rasijskaj dezynfarmacyjnaj kampanii, jakaja destabilizuje situacyju, i zrabić bolš bačnaj zacikaŭlenaść Zachadu hetym rehijonam», — zajaviła Mej.
U lutym śpiecyjalny prakuror Čarnahoryi Milivoje Katnič abvinavaciŭ ułady Rasii ŭ sprobie dziaržaŭnaha pieravarotu ŭ jaho krainie, jaki pavinien byŭ adbycca ŭ dzień parłamienckich vybaraŭ, 16 kastryčnika. U toj dzień stała viadoma ab zatrymańni 12 hramadzian Sierbii, jakija, pa zajavie ŭładaŭ Čarnahoryi, źbiralisia zładzić dyviersii.
Maskva kateharyčna adchiliła ŭsie abvinavačvańni ŭ dačynieńni da arhanizacyi sproby dziaržaŭnaha pieravarotu ŭ Čarnahoryi. Pres-sakratar prezidenta Dźmitryj Piaskoŭ nazvaŭ ich «absurdnymi» i «biezrazvažnymi». Kiraŭnik MZS Rasii Siarhiej Łaŭroŭ taksama zajaŭlaŭ, što abvinavačvańni Čarnahoryi źjaŭlajucca «hałasłoŭnymi».
