Historyk Ihar Kuźniacoŭ padaŭ isk ab abaronie honaru, hodnaści i dziełavoj reputacyi suprać haziety «Kommunist Biełarusi», sajta Kamunistyčnaj partyi i aŭtara publikacyj Andreja Łazutkina. Jak paviedamiŭ Ihar Kuźniacoŭ pres-słužbie «Biełaruskaja asacyjacyja žurnalistaŭ», praz sud jon patrabuje abviaržeńnia troch materyjałaŭ, u jakich, na jaho dumku, raspaŭsiudžanyja paklopnickija źviestki.
U pryvatnaści, ŭ materyjałach «Plaski na kostiach», «Kto rasstrielivał Kuropaty: NKVD ili SS?» i «Vozvraŝajem pamiať Ihoriu Kuźniecovu» aŭtar Andrej Łazutkin nazyvaje zajaŭnika «falsifikataram historyi, jaki atrymlivaje finansavańnie dla ažyćciaŭleńnia antydziaržaŭnaj dziejnaści na terytoryi Respubliki Biełaruś».
Taksama u publikacyjach haziety, raźmieščanaj i na sajcie KPB, Kuźniacoŭ nazyvajecca «pałkavym prapahandystam», jakomu «stalinskija represii mrojacca nie tolki pad kožnym kustom, ale i pad kožnaj pamyjkaj»..
Pierad padačaj isku ŭ sud Ihar Kuźniacoŭ u piśmovaj formie źviartaŭsia da adkazčykaŭ z patrabavańniem źniać dadzienuju infarmacyju z sajta, a taksama nadrukavać abviaržeńnie ŭ dziesiacidzionny termin, ale adkazu nie atrymaŭ. Kuźniacoŭ dadatkova prosić spahnać z adkazčykaŭ hrošy, patračanyja historykam na zvarot u sud.
Pieršyja słuchańni pa isku adbuducca 23 sakavika ŭ sudzie Centralnaha rajona Minska.
