Pijarščyca Alaksandra Rohač napisała ŭ fejsbuku aburany post. Za pajezdku praciahłaściu 15 kiłamietraŭ (ad HC «Zamak» da vulicy Varanianskaha) daviałosia zapłacić 63 rubli. Pryčym nibyta ŭsio pa zakonie, ź ličylnikam i čekam!
Jak tak atrymałasia? U kiroŭcy ŭ mašynie pryčeplena nalepka z tryma taryfami. Pieršy dziejničaje «24 hadziny», pryčym z adekvatnymi cenami (55 kapiejek za kiłamietr), jakija adpaviadajuć mnohim słužbam taksi. Adnak unizie maleńkimi litarami dapisana, što jon aktualny tolki dla invalidaŭ pieršaj hrupy, vieteranaŭ i voinaŭ-internacyjalistaŭ.
Dla ŭsich inšych stvoranyja inšyja taryfy — hihanckija 4,5—5,5 rubla za kiłamietr u zaležnaści ad dnia! Adnak mała chto z pasažyraŭ dačytvaje da hetych ličbaŭ.
Pikantnaści situacyi dadaŭ toj fakt, što kiroŭcam akazaŭsia staršynia prafsajuza taksistaŭ «Centr» Alaksandr Stachoŭski. Letaś jon zaklikaŭ kalehaŭ da strajku, bo nizkija taryfy staviać taksistaŭ «na miažu vyžyvańnia». Praŭda, jahonaja akcyja nijakaha efiektu nie mieła.
