Pres-sakratar rasijskaha prezidenta Dźmitryj Piaskoŭ paviedamiŭ, što pieršaja sustreča pamiž Uładzimiram Pucinym i Donaldam Trampam moža adbycca ŭ lipieni hetaha hoda ŭ chodzie samitu «Vialikaj dvaccatki» (G20) u Hamburhu.
Hamburh stanie pieršym miescam, dzie lidary dźviuch krain buduć znachodzicca adnačasova, skazaŭ pres-sakratar prezidenta Rasii.
Raniej u rasijskim MZS zajavili, što padrychtoŭka da sustrečy Pucina i Trampa ŭžo pačałasia, adnak ab jaje dacie i miescy pakul ničoha nie viadoma. Pavodle słoŭ namieśnika ministra zamiežnych spraŭ Rasii Siarhieja Rabkova, hetaje pytańnie ŭzdymałasia na pieršych pieramovach kiraŭnika MZS Siarhieja Łaŭrova ź dziaržsakratarom ZŠA Reksam Tylersanam.
28 studzienia adbyłasia telefonnaja razmova Uładzimira Pucina i Donalda Trampa. U čas razmovy lidary dźviuch krain damovilisia dać daručeńnie prapracavać mahčymyja terminy i miesca praviadzieńnia asabistaj sustrečy.
