Pracy na ŭčastku praryvu ciepłatrasy ŭ minskim mikrarajonie Sucharava buduć praciahvacca da 20.00 13 sakavika paviedamili BIEŁTA ŭ RUP «Minskenierha».
Pracujuć avaryjna-adnaŭlenčyja bryhady, pravodzicca adpampoŭka vady, zadziejničana nieabchodnaja technika.
«Dziakujučy apieratyŭnym dziejańniam rabotnikaŭ parušeńni ŭ pracy ciepłamahistrali nie paŭpłyvali na ciepłazabieśpiačeńnie spažyŭcoŭ. Hidraŭličny i tempieraturny režym adnoŭleny ŭžo ŭ 15.00», - adznačyli na pradpryjemstvie.
Na CEC-4 12 sakavika ŭ 12.40 było zafiksavana pavieličeńnie raschodu sietkavaj vady na ciepłamahistrali №41 i źmianieńnie hidraŭličnaha režymu pa mahistralach №41 i №61. Na vulicy Mačulskaha naziraŭsia raźliŭ haračaj vady. U 14.30 piersanał 8-ha rajona ciepłavych sietak filijała Minskija ciepłavyja sietki adklučyŭ paškodžany ŭčastak ad CEC-4. Rajonnyja kacielni «Zachodniaja», «Kurasoŭščyna», «Charkaŭskaja» pieraviali na aŭtanomny režym pracy.