U Hrodnie pamierła čaćviortaja paciarpiełaja ad vybuchu na Skidzielskim cukrovym kambinacie. Infarmacyju pra heta TUT.BY paćvierdzili na kambinacie. Ad inšych kamientaroŭ tam admaŭlajucca.
Viadoma, što žančyna pamierła ŭčora, 13 sakavika.
U Haradskoj kliničnaj balnicy chutkaj miedycynskaj dapamohi pakul ustrymlivajucca ad kamientaroŭ.
Nahadajem, 25 lutaha na cukrovym kambinacie ŭ Skidzieli paśla vybuchu pyłapavietranaj sumiesi apioki 50% cieła i vyšej atrymali 5 rabotnic va ŭzroście ad 42 da 54 hadoŭ. Śledčy kamitet raspačaŭ kryminalnuju spravu pa art. 428 Kryminalnaha kodeksa (Słužbovaja niadbajnaść). Sankcyja artykuła — da 5 hadoŭ pazbaŭleńnia voli.
Žančyn špitalizavali, paźniej troch ź ich pieravieźli ŭ Respublikanski apiokavy centr u Minsku.
10 sakavika ŭ Minsku pamierła 51-hadovaja rabotnica kambinata. Paźniej pamierła 44-hadovaja paciarpiełaja, jakaja znachodziłasia ŭ BCHMD.
Raniej daktary raspaviadali, što stan dźviuch pacyjentak, jakija prachodzili lačeńnie ŭ Hrodnie, ciažki. Žančyny byli ŭviedzieny ŭ stan miedykamientoznaj komy.
