Šerahu rasijskich naftavych kampanij zahadana abmiežavać pastaŭki matornaha paliva ŭ Biełaruś. Pra heta TUT.BY paviedamili dva trejdary i paćvierdziŭ profilny čynoŭnik.
U Ministerstvie enierhietyki ličać niemetazhodnym pastaŭki bujnych partyj rasijskich naftapraduktaŭ (u pryvatnaści, dyzielnaha paliva) u adras biełaruskich kampanij «u suviazi z najaŭnaściu vialikaha abjomu mahutnaściaŭ pierapracoŭki nafty ŭ Biełarusi», skazali biełaruskija biźniesmieny, znajomyja z kopijaj listy Minenierha.
«My zakuplali tam dyziel, bo heta ekanamična metazhodna. Tut daražej vychodzić. Ale Maskva nie dazvoliła pradavać biełarusam», — skazaŭ biełaruski biźniesmien. «Raniej ni dla kaho nie było sakretam, što važkaja dola dyziela na biełaruskich AZS — vytvorčaści Rasii. Biełaruskija naftapradukty išli ŭ Ukrainu i na Zachad, heta bolš premijalny biźnies i patrabuje adabreńnia źvierchu. My tudy nie leźli», - dadaŭ jašče adzin surazmoŭca. Atrymać kamientar u Minenierha RF nie atrymałasia.
