16 sakavika cacyjalna-kulturny prajekt kampanii velcom MOVABOX pradstaviŭ tvor, vakoł jakoha razhornucca asnoŭnyja padziei zaklučnaha etapa hetaj maštabnaj inicyjatyvy, — knihu Andrusia Horvata «Radziva «Prudok».
Z hetaj nahody Minsk nienadoŭha naviedaŭ sam aŭtar, jaki niekalki hadoŭ tamu vyrašyŭ admovicca ad žyćcia ŭ bujnym horadzie i pasialiŭsia ŭ staroj dziedavaj chacie ŭ viescy Prudok — dzie i znajšoŭ krynicu natchnieńnia dla stvareńnia svajoj knihi-dziońnika.
Nie mienš kardynalnyja źmieny adbylisia i sa źmiestam sajta movabox.by: ciapier tut možna znajści novy test pa novaj knizie i, prajšoŭšy jaho, atrymać mahčymaść vyihrać unikalny nabor artefaktaŭ, pryśviečanych Kosmasu, na pošuki jakoha adpraviŭsia ŭ svoj čas Andruś Horvat. Siarod artefaktaŭ — pakiecik z nasieńniem kaśmiei, kab pasadzić, vyraścić i nie tolki znać svaje karani, ale i bačyć ich; šakaład «Raździali radaść» ź siami kavałačkaŭ: adłamać matuli, źjeści da harbaty, pakinuć na viečar, ale nie ŭtrymacca i adkusić kavałačak i h.d.; kieramičnaja kružka, na jakoj paśla nahravańnia prajaŭlajecca nadpis «Ščaście — heta pram zaraz!»; maleńkija draŭlanyja hrabli, kab pryvodzić dumki ŭ paradak; śvistok z hliny ŭ vyhladzie kazy; «fiłasoŭskaje» vareńnie z cybuli; vialikaja prabirka z pacham prostaha čałaviečaha ščaścia; aŭtarskaje pasłańnie da čytača i, mienavita, sama kniha. Usie artefakty vykanany ŭ adzinaj kancepcyi — nabora rečaŭ, što dapamahajuć kožny dzień adčuvać toje samaje prostaje ščaście i kancentravacca na pošukach svajho ŭnutranaha Kosmasa.
«Šukać ščaście, šukać siabie, svajo miesca na hetym śviecie i svoj Kosmas unutry — ci nie hetym zajmajecca kožny z nas bolšuju častku žyćcia? Adčuvańnie svajho miesca na płaniecie — taksama častka hetaha pracesu. I hałoŭnaje, što robić nacyjanalnaja litaratura, — dapamahaje hetaje miesca znajści i ŭśviadomić. A prajekt MOVABOX vykonvaje važnuju rolu, padtrymlivajučy «svaje» ahulnyja karani, pierajemnaść minułaha, sučasnaha i budučaha. I ja vielmi ŭdziačny za mahčymaść udzielničać u im», — adznačyŭ Andruś Horvat.
Imiony 20 ščaśliŭčykaŭ, jakija vyjhrajuć MOVABOX z naboram artefaktaŭ dla ŭnutranaha ščaścia, stanuć viadomy praz 5 tydniaŭ. Ale samu knihu «Radziva «Prudok» chutka možna budzie znajści va ŭsich kaviarniach, dzie dziejničaje biełaruskamoŭny bukkrosinh u miežach prajekta MOVABOX (mapu hł. tut).
«Kniha Andrusia Horvata «Radziva «Prudok», jakaja za karotki čas paśla vychadu ŭ śviet užo paśpieła nabyć amal fienamienalnuju viadomaść, — žyvy dokaz taho, što adviečnaja tema pošuku ŭłasnych karanioŭ nie hublaje aktualnaści jak dla sučasnych aŭtaraŭ, tak i dla ich čytačoŭ. A ciesnaja suviaź z karaniami litaraturnymi nie pieraškadžaje piśmieńniku vynajści svaju ŭnikalnuju, śviežuju i aryhinalnuju tvorčuju manieru, jakuju sustrenuć z zachapleńniem i cikavaściu. Hetaja kniha pryvodzić da adnoj roŭnicy kaštoŭnaści asabovyja i ŭsieahulnyja, rečy prostyja i składanyja, čas minuły i sučasny — a tamu najlepšym čynam padsumoŭvaje vyniki prajekta MOVABOX», — adznačyŭ kiraŭnik adździeła brend-mieniedžmientu velcom Źmicier Kurłovič.
Uražańniami ad prajekta i ad knihi Andrusia padzialiłasia Alina Tałaj, biełaruskaja lohkaatletka, udzielnica velcombegom i «Čytajem pa-biełarusku z velcom»: «Knihu Andrusia ja pračytała litaralna za dva viečary i była vielmi rada toj prastacie i dušeŭnaści, jakaja adčuvajecca ź pieršych staronak. Prajekt MOVABOX — heta ŭžo novaja stupień, heta mahčymaść pa-inšamu adčuć knihu: nie prosta pieralistvać staronki, ale i trymać u rukach artefakty».
Simvaličnuju estafietu ŭzdiełu ŭ prajekcie Andrusiu Horvatu pieradaŭ hałoŭny hieroj papiaredniaha etapa — paet-avanhardyst Viktar Žybul.
«Prajekt MOVABOX praciahvaje źmianiać stereatypy ŭ dačynieńni da sučasnaj biełaruskaj litaratury — hetak ža sama, jak jaho novy hieroj, Andruś Horvat, źmianiaje ŭjaŭleńni ab tym, što na samoj spravie maje najbolšuju kaštoŭnaść u žyćci sučasnaha čałavieka. Imknieńnie zazirnuć hłybiej, ubačyć bolš, zaŭvažyć toje, što sapraŭdy vartaje ŭvahi, — voś što, na moj pohlad, abjadnoŭvaje ŭsich aŭtaraŭ, z tvorčaściu jakich paśpieŭ paznajomić čytačoŭ prajekt MOVABOX, i ŭ čym zaklučajecca vartaść samoj inicyjatyvy adnosna biełaruskaj litaratury ŭ cełym», — adznačyŭ Viktar Žybul.
Darečy, test pa zborniku vieršaŭ Viktara «Dziacieł i dupło» prajšli 8 218 čałaviek, z katorych 25,4% pakinuli svaje kantakty i pryniali ŭdzieł u rozyhryšy treciaha MOVABOX — jaho pieramožcy buduć abjaŭleny zusim chutka. Usiaho za 4,5 miesiacy prajekta na sajt zajšli 39 187 unikalnych naviedvalnikaŭ, siarod jakich 7 038 čałaviek prynimali ŭdzieł u rozyhryšy MOVABOX.
Taksama na pres-kanfierencyi byŭ pradstaŭleny MOVABOT — čat, jaki dapamoža znajsci knihu, jakuju vy zaraz chacieli by pračytać zhodna sa svaim nastrojem i pažadańniami. Kab atrymać rekamiendacyju, treba zajści na staronku velcom likes u Facebook, paśla čaho nacisnuć na spasyłku ŭ paście pra MOVABOT-a i pačać ź im razmovu. Bot vitajecca i prapanuje vybrać piersanaža, ad imia jakoha praciahniecca kamunikacyja. Paśla hetaha jon prapanuje recenzii na 6 knih. Praź niekatory čas taksama źjavicca funkcyja varažby pa cytacie z knihi i tematyčnyja padborki. Parnioram prajekta staŭ sajt Kniharnia.by.
Źmianić ŭjaŭleńnie ab biełaruskaj litaratury i staŭleńnie da jaje, prademanstravać tematyčnuju i stylevuju raznastajnaść, zacikavić tvorčaściu sučasnych biełaruskamoŭnych aŭtaraŭ jak maha bolšuju kolkaść čytačoŭ — takija mety stavili pierad saboj arhanizatary prajekta napiaredadni jaho starta 4,5 miesiacy tamu. Ale hałoŭnaje, dla čaho byŭ stvorany MOVABOX, — znajści i prademanstravać dokazy taho fakta, što biełaruskaja litaratura na ŭsim praciahu svajho isnavańnia była i zastajecca žyvoj, sapraŭdnaj, aktualnaj.
Kančatkovyja vyniki pieršaha etapa prajekta buduć padviedzieny praz 5 tydniaŭ, kali arhanizatary pradstaviać dadzienyja apytańnia hramadskaha mierkavańnia, jakoje prademanstruje, jakim čynam MOVABOX paŭpłyvaŭ na ŭsprymańnie sučasnaj biełaruskaj litaratury.
MOVABOX — novy prajekt velcom, nakiravany na padtrymku biełaruskaj kultury. Dziejnaść u hetym napramku źjaŭlajecca važnaj častkaj karparatyŭnaj sacyjalnaj adkaznaści kampanii. Siarod admietnych prajektaŭ — adukacyjnaja inicyjatyva «Čytajem pa-biełarusku z velcom», prajekt «Muziej dzieciam z velcom» sumiesna z Nacyjanalnym histaryčnym muziejem, padtrymka prahramy «Padarožža dyletanta» i inšyja. Infarmacyjny partnior prajekta MOVABOX — hramadska-kulturnaja kampanija «Budźma biełarusami!». Partniory prajekta — partał biełaruskich elektronnych knih kniharnia.by i biaspłatnyja kursy biełaruskaj movy «Mova nanova».
