U Polščy pravodziać akcyju dla pryciahnieńnia turystaŭ, jakaja ŭžo dobra zarekamiendavała siabie letaś. Pra heta paviedamlajuć infarmahienctvy sa spasyłkaj na pres-słužbu Minsportu Polščy.
warsawtour.pl
Akcyja adbudziecca z 31 sakavika pa 2 krasavika i atrymała nazvu «Vychadnyja za paŭcany». Pravodziać jaje Ministerstva sportu i turyzmu Polščy i Nacyjanalnaja turystyčnaja arhanizacyja.
Adznačajecca, što haścinicy, kaviarni, muziei i inšyja turystyčnyja abjekty ŭ dni akcyi źniziać ceny minimum na 50%. Daviedacca pra miescy, jakija ŭdzielničajuć u mierapryjemstvie, možna z dapamohaj admysłovaj karty.
Ministr sportu i turyzmu Polščy Vitald Bańka adznačyŭ, što dziakujučy akcyi płanujecca pryciahnuć bolš za 100 tysiač turystaŭ. Letaś dziakujučy padobnaj inicyjatyvie ŭ dni źnižak Polšču naviedali kala 60 tysiač padarožnikaŭ.
Siarod metaŭ akcyi — ažyvić unutrany turyzm. Aŭtary idei chacieli padoŭžyć turystyčny siezon, a taksama pavialičyć cikavaść da vandravańniaŭ na vychadnych i zrabić zapatrabavanymi pajezdki pa krainie siarod palakaŭ.
