Na adnym z abjektaŭ AAT «Naftan» u Navapołacku 16 sakavika małady mular sarvaŭsia z vyšyni 12 mietraŭ. Z traŭmaj chrybietnika mužčyna znachodzicca ŭ minskim špitali, paviedamiła TUT.BY aficyjny pradstaŭnik USK pa rehijonie Śviatłana Sacharava.
24-hadovy mular adnoj z navapołackich budaŭničych arhanizacyj i jaho kaleha demantavali dach adnaho z cechaŭ. Pieršy spuściŭsia ŭniz naparnik, zatym heta zrabiŭ małady mular. Ale mužčyna spatyknuŭsia, sarvaŭsia z vyšyni 12 mietraŭ i atrymaŭ traŭmu chrybietnika.
Paciarpieły lažyć u reanimacyi ŭ Minsku, jon znachodzicca pad aparatam štučnaj vientylacyi lohkich. U siabie mužčyna pakul nie pryjšoŭ i razmaŭlać nie moža.
Śledčyja ahledzieli miesca zdareńnia, apytali śviedak, pryznačyli sudova-miedycynskuju ekśpiertyzu. U Połackuju mižrajonnuju inśpiekcyju pa pracy nakiravana patrabavańnie ab praviadzieńni śpiecyjalnaha rasśledavańnia.
Nahadajem, 17 sakavika ŭ Navapołacku adbyłosia jašče adno nadzvyčajnaje zdareńnie - na pradpryjemstvie «Naftazavodmantaž» prycisnuła truboj 21-hadovaha ślesara. Vaha truby, pa dakumientach, - 2,6 tony. Chłopiec atrymaŭ šmatlikija traŭmy. Pravierku pa hetym fakcie taksama praviadzie inśpiekcyja pa pracy.
